مەكسيكاعا جەتكەن ميگرانتتار اقش-قا تاياپ قالدى.
امەريكاعا اعىلعان بوسقىندار مەن جەرگىلىكتى تۇرعىندار اراسىنداعى شەكارالىق بايلانىس شيەلەنىسە تۇسكەن. قازىردىڭ وزىندە جەتى مىڭعا جۋىق بوسقىن كەرەتارو شتاتىنا دەيىن جەتىپ، ەلدىڭ سولتۇستىك باتىسىنداعى تيحۋانا قالاسىنا قاراي جول تارتتى. بۇعان قاتىستى اقش-تىڭ يمميگراتسيالىق جانە كەدەندىك باقىلاۋ قىزمەتىنىڭ باسشىسى كەۆين ماكەلينەن: «بوسقىنداردى ەلىنە قايتارامىز. امەريكا كوشباسشىسىنىڭ مالىمدەمەسىنە ساي، قۇقىق بۇزۋعا جانە زاڭسىز ارەكەتتەرگە جول بەرمەيمىز»، – دەيدى.
امەريكا پرەزيدەنتى دونالد ترامپ مەملەكەت شەكاراسىن جابۋعا بۇيرىق بەرىپ، قارۋلى əسكەر جىبەرگەن. سوعان قاراماستان، مەكسيكاعا قايىقپەن بارىپ، شەكارادان زاڭسىز ءوتىپ جاتقاندار لەگى ارتتى. ءوز ەلىندەگى ادىلەتسىزدىك، زورلىق-زومبىلىقتان قاشقان كەلىمسەكتەر شەكارانى اسىپ وتۋگە دايىن.
ايتا كەتەيىك، ءبىر اي بۇرىن گوندۋراستان بەت العان التى مىڭعا جۋىق بوسقىن مەكسيكا شەكاراسىنا جەتىپ، ارى اسپاق بولعان. مەكسيكا قاۋىپسىزدىك كۇشتەرى ميگرانتتارعا توسقاۋىل بولىپ، ءىرى قاقتىعىستار ورىن الدى. شەكاراداعى داۋدى شەشۋ ماقساتىندا گۆاتەمالا مەن گوندۋراس تاراپى كەلىسسوز جۇرگىزۋدى جوسپارلاعان بولاتىن. الايدا، كەلىسسوزدەن ناقتى نəتيجە شىققان جوق.

"The Qazaq Times"