پۋتين «جالپى ەۋروپالىق ارميا» قۇرۋ تۋرالى ۇسىنىسقا وڭ پىكىرىن ءبىلدىردى

رەسەي پرەزيدەنتى ۆلاديمير پۋتين فرانتسيا باسشىسى ەممانۋەل ماكروننىڭ «جالپى ەۋروپالىق ارميا» قۇرۋ تۋرالى ۇسىنىسىنا وڭ پىكىرىن ءبىلدىردى.

«نەگىزىنەن ەۋروپانىڭ ەكونوميكالىق ءبىلىمى وتە كۇشتى، سول سەكىلدى ەكونوميكالىق وداعى دا جاقسى دامىعان، جالپى ايتقاندا ولار تاۋەلسىز، جەتكىلىكتى جانە قاۋىپسىزدىك جاعىنان دا مىقتى بولۋعا ابدەن لايىقتى» دەپ پاريجگە بارعان ساپارى بارىسىندا مالىمدەدى.

سونىمەن بىرگە فرانتسيانىڭ دا بۇل جوبا بارىسىندا ۇكەن ءرول وينايتىندىعىن، بۇدان بولەك ەۋروپالىق ارميانىڭ ناتو-دان بولەك بولۋىنا دا مۇمكىندىك بار ەكەندىگىن تىلگە تيەك ەتتى.

حالىقارالىق ساراپشىلاردىڭ پىكىرىنشە، ماكرون بۇل جوباسىمەن ەشقانداي ماڭىزدى تاقىرىپتى قوزعاماعان. سەبەبى، ءاربىر ون جىلدىقتا جالپى ەۋروپالىق ارميا قۇرۋ تۋرالى تاقىرىپتار بولىپ تۇرادى. الايدا، ەۋروپالىق اسكەردىڭ ءبىر بولىگى ناتو ارمياسى بولعاندىقتان، وزگە مەملەكەتتەر ارتىق شىعىن شىعارۋعا بارا قويمايتىندىعىن مالىمدەدى.

ەستەرىڭىزگە سالا كەتەيىك، فرانتسيا پرەزيدەنتى ەممانۋەل ماكرون «جالپى ەۋروپالىق ارميا» قۇرۋ تۋرالى ۇسىنىس تاستاعان بولاتىن.

“The Qazaq Times”