گازاداعى قارۋلى قاقتىعىس يزرايل پرەمەرىن پاريجگە تۇرعىزبادى

گازا سەكتورىندا بولعان قاقتىعىستا 6 پالەستينالىق پەن ءبىر ەۆرەي اسكەرى قازا تاپتى. وسىعان بايلانىستى يزرايل پرەمەر-ءمينيسترى بەنيامين نەتانياحۋ پاريجدەگى ساپارىن توقتاتىپ، ەلىنە قايتتى.

قارۋلى قاقتىعىستىڭ سەبەبى ءالى دە انىق ەمەس. دەگەنمەن، حاماس ۇيىمى تاراتقان مالىمەتتە، بۇل ءيزرايلدىڭ وسى ۇيىمنىڭ جوعارى لاۋازىمىنا باعىتتاعان كەزەكتى جاسىرىن اسكەري ارەكەتى ەكەندىگى جانە بۇل ۋ-شۋدى باسۋ ءۇشىن اۋە وپەراتسيالارىن ىسكە قوسقانى ايتىلعان.

ءيزرايلدىڭ رەسمي مالىمدەمەسىندە دە، گازادا «ارنايى وپەراتسيانى جۇزەگە اسىرعانىن» راستايدى، الايدا وپەراتسيا تۋرالى تولىق مالىمەت بەرمەگەن. سونىمەن بىرگە، گازادان يزرايل جەرىنە بىرنەشە زىمىراننىڭ اتىلعانىن ايتادى.

يزرايل پرەمەرى سوڭعى قاقتىعىسقا بايلانىستى كاتاردىڭ گازاعا 15 ملن اقش دوللارى كومەك كورسەتۋ شەشىمىن قولداعانىن،  سونداي-اق، گازا سەكتورىندا بەيبىتشىلىك ورناتۋعا تىرىسىپ جاتقانىن مالىمدەدى.

ديالوگتاردىڭ ناتيجەسىندە حاماس يزرايل شەكاراسىنا جاقىن ماڭداعى ەرەۋىلدەردى ازايتۋعا كەلىسىم بەردى. يزرايل ۇكىمەتى بولسا، حاماس ۇيىمىنداعى كەيبىر راديكالداردىڭ يزرايل جەرىنە كىرگەنىنە نارازىلىق ءبىلدىردى.

“The Qazaq Times”