تاجىكستاننىڭ وڭتۇستىگىندەگى ماقتا وڭدەيتىن ونداعان زاۋىتقا قىتايدىڭ "دجۋنتاي دانگارا سين سيلۋ تەكستيل" كومپانياسى يەلىك ەتكەننەن بەرى، وسى سالاداعى وتاندىق كاسىپكەرلەر جاپپاي شىعىنعا ۇشىراپ جاتىر.
«كوپتەگەن جەرگىلىكتى كاسىپورىن باسەكەگە شىداماي، جابىلىپ جاتىر. ماسەلە، قىتايلىق كومپانيا ديقانداردان ماقتانى تونناسى ءۇشىن 5850 سومونيعا (634 اقش دوللارى) ساتىپ الادى. ال ءبىزدىڭ زاۋىتتا مۇنداي اقشا جوق. ارينە، ديقاندارعا ماقتانى قىمبات باعاعا ساتقان الدەقايدا تيىمدىرەك»، - دەيدى «سامار» ماقتا ءوندىرۋ كومپانياسىنىڭ باس ديرەكتورى مۋسليحيددين فازليددينوۆ.
ونىڭ سوزىنشە، ەكى جىل بۇرىن ءوزى باسقاراتىن زاۋىت جىلىنا 25 توننا ماقتا ءوندىرىپ كەلگەن. وندا 60-80 ادام جۇمىس ىستەگەن. ال قازىر كاسىپورىن توقتاعان.
رەسمي مالىمەت بويىنشا، كۋلياب اۋدانىندا 14 ماقتا تازالايتىن زاۋىت بار. بىراق بۇگىنگى كۇنى ولاردىڭ بەسەۋى عانا جۇمىس ىستەپ تۇر ەكەن.
«قىتايلاردىڭ جاعدايى باسقاشا، ولاردا پروبلەما جوق. قىتاي بانكتەرى ەشقانداي كەدەرگىسىز كرەديت بەرەدى. ولاردىڭ تەحنيكالارىنىڭ ءبارى جاڭا. بىزدە مۇنداي جەڭىلدىك جوق»، - دەيدى «سامار» كومپانياسىنىڭ باسشىسى.
ازەربايجاننىڭ باتىل مالىمدەمەلەرى كرەملگە قانداي بەلگى بەرەدى؟
اركتيكاداعى "ۇلى ويىن": جاڭا كەزەڭ باستالدى
قىتاي مەن رەسەيدىڭ جاڭا ديپلوماتيالىق بەلسەندىلىگى: الەمدىك تارتىپكە اسەرى
ءۇندىستان مەن پاكىستان اراسىنداعى شيەلەنىس باسەڭدەدى، بىراق قاۋىپ سەيىلگەن جوق
ورتا شىعىستا جالعاسا بەرەتىن قاقتىعىس: يران مەن يزرايل اراسىنداعى ۇزىلمەيتىن تەكەتىرەس
ۋكراينا–رەسەي سوعىسى: 2025 جىلعى كوكتەمگى جاعدايعا گەوساياسي جانە اسكەري تالداۋ