الەمدەگى ەڭ ۇلكەن موڭعول كيىز ءۇيى گيننەستەر كىتابىنا ەندى

«سەلنەن» كومپانياسىنىڭ شەبەرلەرى الەمدەگى ەڭ ۇلكەن موڭعول كيىز ءۇيىن جاساپ، گيننەس رەكوردتار كىتابىنا ەندى. 

حانگي-ماندال كەدەندىك باقىلاۋ ءبولىمىنىڭ ماڭىندا ورناتىلعان ءزاۋلىم ۇيگە ءبىر مەزەتتە 500 ادام وڭاي سىيىپ كەتەدى. بيىكتىگى 14 مەتر ء(ۇش قاباتتى ءۇيدىڭ بيىكتىگىمەن بىردەي) بولاتىن ەرەكشە عيماراتتىڭ ءداستۇرلى تۇردەگى ءتورت باعاناسى دا بەرىك ساقتالعان.

شەت ەلدىك تۋريستەردىڭ نازارىن اۋدارۋ ءۇشىن جاسالعان كيىز ءۇي قازىردىڭ وزىندە تانىمالدىلىعىن ارتتىرىپ كەلەدى.

ەستەرىڭىزگە سالا كەتەيىك، الەمدەگى ەڭ ۇلكەن كيىز ءۇي شىڭجاڭنىڭ موري اۋدانىندا تىگىلگەن. ونىڭ كولەمى 1175 م² بولسا، بيىكتىگى 18,5 م. ال، كۇلدىرەۋىشتەن باسقۇرعا دەيىنگى ارالىق 13,5 م قۇرايدى. سونىمەن بىرگە مۇنداي الىپ باسپانانىڭ ۋىقتارى  6 مەتردەن بولسا، شاڭىراعىنىڭ ءوزى 8,5 مەتر بولعان. 3 اي بويى تىنىمسىز ەڭبەك ەتكەن 32 ادام، بارلىق ءداستۇرلى عۇرىپتارىن دا ەسكەرە بىلگەن.

“The Qazaq Times”