ميللياردەر يلون ماسك ءوزى نەگىزىن قالاعان "The Boring Company" كومپانياسىنىڭ لوس انجەلەس قالاسىنىڭ استىنا سالعان توننەلىنىڭ ۆيدەوسىن كورسەتتى. ونى ول Twitter الەۋمەتتىك جەلىسىنە جۇكتەدى.

"توننەلدىڭ بويىمەن ءجۇرىپ ءوتتىم. ءسال قورقىنىشتىلاۋ. الداعى ايدىڭ ونىنا اشىلۋى بولادى، سوعان دايىندىق ۇستىندەمىز" - دەپ جازدى ول پاراقشاسىنا.

http://www.twitter.com/elonmusk/status/1058767039102312448/video/1

ونىڭ ايتۋىنشا، توننەل ارقىلى اۆتوموبيلدەر ساعاتىنا 200 شاقىرىم جىلدامدىقپەن جۇرە الادى. ۆەستۆۋدتەن لوس انجەلەستىڭ ورتالىعىنا بەس-اق مينۋتتا جەتىپ الۋعا بولادى.

جەر استىنداعى 30 دەڭگەيلى توننەلدەر جۇيەسى اۆتوماتتى تۇردە اۋىسىپ وتىرادى. بولاشاقتا اتالعان كومپانيا نيۋ-يورك، فيلادەلفيا، بالتيمور جانە ۆاشينگتون قالالارىن جالعايتىن توننەل سالۋدى جوسپارلاۋدا.

ايتا كەتەيىك، يلون ماسك بۇل جوبانى 2016 جىلدىڭ جەلتوقسانىندا قولعا العان ەدى. مۇنداي جوبانى ىسكە اسىرۋعا كولىك كەپتەلىسىنىڭ كوپتىگى سەبەپ بولعان.

"The Qazaq Times"