فيليپپين قىتايدىڭ قارجىسىنا قىزىققانمەن اسكەري قادامىنان الاڭداۋدا

قىتاي ءفيليپپيننىڭ ەكىنشى دەڭگەيلى پورتىندا جاڭا ينفراقۇرىلىم جوباسىن قولعا الۋدى كوزدەۋدە. بۇل قىتايدىڭ «ءبىر بەلدەۋ، ءبىر جول» جوباسىن وڭتۇستىك-شىعىس ازيا مەن وڭتۇستىك-تىنىق مۇحيتى ايماعىندا كەڭەيتۋىنىڭ ءبىر بولەك جوسپارى. 

فيليپپين پرەزيدەنت باسقارماسىنىڭ ۆەب-سايتىندا جاريالانعان مالىمەتكە قاراعاندا، دۇيسەنبى كۇنى فيليپپين پرەزيدەنتى  دۋتتەرتە مەن قىتايدىڭ سىرتقى ىستەر ءمينيسترى ۋاڭ ي داۆاو قالاسىنا كەزدەسكەن. قىتايدىڭ رەسمي اقپارات اگەنتتىگى «شينحۋانىڭ» حابارىندا، ۋاڭ ي مىرزا كەزەكتى ساپارىندا «ءبىر بەلدەۋ، ءبىر جول» جوباسىن قامتىعان قىتاي-فيليپپين ەكونوميكالىق ىنتىماقتاستىعىن جاڭا دەڭگەيگە كوتەرۋگە تىرىساتىنىن ايتىلعان.

فيليپپين ۇكىمەتى قىتايدىڭ 2016 جىلى قازاندا بەرگەن ۋادەسى بويىنشا فيليپپينگە باعىتتالاتىن 24 ميلليارد دوللار كومەك پەن ينۆەستيتسياعا قول جەتكىزۋدى كوزدەيدى. الايدا، ءفيليپپيننىڭ بۇل قوماقتى قارجىدان ءۇمىتى از. سەبەبى، ەكى ەل اراسىندا وڭتۇستىك قىتاي تەڭىزىندە ۇزاققا جالعاسقان شەكارالىق داۋ بار.

داۆاو قالاسىنداعى اتالعان پورتتى قالپىنا كەلتىرۋ 1,6 ملن حالقى بار وسى قالاعا ىسكەرلىك مۇمكىندىك بەرەتىنى انىق. بۇل ايماق تابيعي رەسۋرستارعا باي بولعانىمەن، ەكونوميكاسى وركەندەمەگەن. ەگەر مۇنداي ينفراقۇرىلىمى جاڭارتىلعان پورت قالپىنا كەلتىرىلسە، ول قىتاي كەمەلەر ءۇشىن وڭتۇستىك-شىعىس ازياداعى ماڭىزدى يمپورت-ەكسپورتتىق بازاسىنا اينالماق.

داۆاونىڭ وڭتۇستىك پورتىن دامىتۋ تۋرالى جوبالار شىنىندا قىزىقتى. سەبەبى، بۇل ءفيليپپيننىڭ قىتاي ينۆەستيتسياسىن ىنتالاندىرۋ ءۇشىن جاساپ وتىرعان جوباسى. بىراق، وسىمەن قاتار فيليپپين نانشا ارالىنداعى قىتايدىڭ اسكەري قادامدارىنان قاتتى الاڭدايدى. بۇل اۋماقتا قىتاي قورعانىس قۇرىلعىلارى كوپتەپ ورناتتى جانە جاساندى ارالدار سالىپ، ونى شاعىن اسكەري بازا رەتىندە پايدالانۋدا.

“The Qazaq Times”