تۇرىك پرەزيدەنتى حاشوگگي ىسىنە پىكىر ءبىلدىردى. فوتو: REUTERS/BBC.

ساۋد ارابياسىنىڭ وپپوزيتسيالىق ءجۋرناليسى حاشوگگيدىڭ ولىمىنەن كەيىن حالىقارالىق دەڭگەيدە ديپلوماتيالىق داعدارىستىڭ كۇشەيىپ بارا جاتقانى بايقالادى. تۇركيا پرەزيدەنتى رەجەپ تايىپ ەردوعان ءوزىنىڭ «ادىلەت جانە دامۋ» پارتياسىنىڭ پارلامەنتتەگى جيىنىندا جۋرناليست حاشوگگيدىڭ ءولىمى تۋرالى ءوز پىكىرىن ءبىلدىردى. ول بۇل ءىستىڭ ساۋد ۇكىمەتى الدىن الا جوسپارلانعان تۇردە جۇزەگە اسىرعان بولۋى مۇمكىن ەكەنىن ايتتى.

تۇرىك باسشىسى سونداي-اق، ءجۋرناليستىڭ سۇيەگىنىڭ قايدا ەكەنىن جانە ونى اتۋعا كىمنىڭ بۇيرىق بەرگەنىن ايتۋدى دا تالاپ ەتكەن. بۇل ماسەلەدە ەردوعان ساۋد ارابياسىنىڭ كورولىن دە ايىپتاۋ ءسوزىنىڭ استىنا الادى. حاشوگگيدىڭ مۇردەسى ۇزاق ۋاقىتقا دەيىن تابىلماي جاتۋىنىڭ ءوزى دە كوپ نارسەدەن دەرەك بەرەتىنىن دە باسا ايتىپ كەتكەن.

ەردوعان ءسوز اراسىندا ساۋد پاتشالىعىنىڭ تاق مۇراگەرى مۇحاممەد بين سالمانمەن تەلەفون ارقىلى سويلەسكەنىن دە ايتتى، ءارى «كونسۋلدىقتا بولعان وقيعا تۋرالى شىرقىراعان شىندىقتى ايتىپ بەرە الامىن»، –دەدى.

وسىدان كەيىن تۇركيا ءسىم باسشىسى مەۆلۋت شاۆۋشوعلۋ مالىمدەمەسىندە، ساۋد ارابيا تارابى حاشوگگي ولىمىنە بايلانىستى تەرگەۋ ىسىندە تۇركيامەن سەلبەسە باستالعانى ءمالىم بولدى.

ەستەرىڭىزدە بولسا، 2 قازاننان بەرى ساۋد ارابياسى حاشوگگي ءىسى تۋرالى ءتۇرلى نۇسقاداعى جاۋاپتار بەرىپ كەلدى. اقىرى 22 قازان كۇنى عانا ونىڭ ءوز ەلشىلىگىندە اتىپ ولتىرىلگەنىن مويىنداعان بولاتىن.

“The Qazaq Times”