اۋعانستان ارمياسىنداعى تاليبان جاقتاستارى ناتو كۇشتەرىنە شابۋىل جاساۋدا

ناتو-نىڭ اۋعانستانداعى قارۋلى كۇشتەرى جاساعان مالىمدەمەدە، گەرات پروۆينتسياسىنداعى ناتو كۇشتەرىنە ءبىر جاۋىنگەر ءولىپ، ەكەۋى جارالانعانى ايتىلدى. سونداي-اق، ۇيىمعا قاراستى «كۇشتىك قولداۋ» جەتەكشىلەرىنىڭ بايانداۋىنشا، بۇل شابۋىلدى اۋعانستاننىڭ ۇكىمەت قارۋلى كۇشتەرىنىڭ قۇرامىنداعى ءبىر جاۋىنگەردىڭ جاساعانى ايتىلعان.

تاليبان تارابى جاريالاعان مالىمەتتە، اۋعانستاننىڭ ۇكىمەتىنە قاراستى قارۋلى كۇشتەردىڭ قۇرامىندا تاليبان مۇشەلەرىنىڭ بار ەكەنىن، كەزەكتى شابۋىلدى سولاردىڭ ءبىرى جاساعانى ايتىلعان.

وسىمەن قاتار، قۇراما شتات قورعانىس وكىلدەرى وتكەن اپتادا كاداھاردا بولعان شابۋىلدا ەكى امەريكالىق جاۋىنگەردىڭ جاراقات العانىن راستاعان، ءارى ولاردىڭ ءبىرى بريگادير ەكەنىن ايتقان. ەستەرىڭىزدە بولسا سول شابۋىلدا اۋعانستانداعى تاليبانعا قارسى كۇرەستىڭ قاھارمانى اتالعان ابدۋللا رازيح كوز جۇمعان بولاتىن.

سول رەتكى شابۋىلدا امەريكالىق اسكەري شەندىلەر جەرگىلىكتى قارۋلى كۇشتەرىنىڭ جەتەكشىلەرىنە كەزدەسكەننەن كەيىن، اۋعانستان جاساقتارىنىڭ كيىمىن كيگەن قارۋلى ادامنىڭ شابۋىل جاسالعانى ايتىلعان.

بۇل رەتكى تاليبان باقىلاۋىنا العان ايماقتا بولعان شابۋىلعا، اتالعان تەررورلىق ۇيىم جاۋاپتى ەكەندىگىن ايتىپ مالىمدەمە جاسادى. ناتو كۇشتەرى بۇل ايماقتىڭ اۋعانستاندا اسا جوعارى ستراتەگيالىق ماڭىزعا يە ەكەنىن، ونىڭ اۋعانستان كۇشتەرىنە شابۋىل جاساۋداعى ۇرىمتال ورىن بولىپ سانالاتىنىن ايتادى.

“The Qazaq Times”