بۇۇ ورتا شىعىس بەيبىتشىلىك پروتسەسىنىڭ باقىلاۋشىسى مالىمدەمە جاساپ،  گازاداعى جاعدايدىڭ بارعان سايىن قيىنداپ بارا جاتقانىن، بۇل الداعى ۋاقىتتا ۇلكەن داعدارىسقا الىپ كەلۋى مۇمكىن ەكەنىن ايتتى.

ورتا شىعىس بەيبىتشىلىك پروتسەسىنىڭ ارنايى كوورديناتورى نيكولاي ملادەنوۆ بۇۇ قاۋىپسىزدىك كەڭەسىنە بەرگەن مالىمەتىندە: «گازا سەكتورى اۋىر جاعدايدا تۇر. وندا شىن مانىسىندە تالقانداۋ ارەكەتتەرى بولىپ جاتىر. ەشقاندايدا جالعان ەمەس»،  – دەدى. ول جانە گازاداعى الەۋمەتتىك جاعدايدىڭ قيىنداۋىن يزرايل قىسىمىنان كەلىپ شىققانىن اتاپ ءوتتى.   

گازاداعى الەۋمەتتىك جاعدايدىڭ قيىنداۋى مەن سۇراپىل قاقتىعىس الدىندا تۇرعان ايماقتاعى تۇرعىنداردىڭ قاۋىپسىزدىگى تۋرالى ەسكەرتۋ جاساعان نيكولاي ملادەنوۆ قاۋىپسىزدىك كەڭەسىنەن ماسەلەنى تەز ارادا شەشۋگە كىرىسۋىن سۇرادى.

بۇۇ-عا ۇسىنعان مالىمەتتە ملادەنوۆ گازا تۇرعىندارىنىڭ 53 پايىزى، ال  تۇتاس پالەستيناداعى جۇمىسقا جارامدى جاستاردىڭ 70 پايىزى جۇمىسسىز ەكەنىن، بۇل پالەستينالىقتاردىڭ ءار ەكى ادامنىڭ ءبىرى كەدەيلىكتە ءومىر ءسۇرىپ جاتقانىن تۇسىندىرەتىنىن ايتىپ ءوتتى.

“The Qazaq Times”