يزرايل سوعىس ۇشاقتارى. فوتو: The National Interest.

يزرايل اۋە كۇشتەرى گازانىڭ وڭتۇستىگىندە اۋە وپەراتسياسىن جاسادى. بۇل تۋرالى يزرايل اۋە كۇشتەرىنىڭ تاراتقان مالىمدەمەسىندە بەلگىلى بولدى.

يزرايل اۋە كۇشتەرىنىڭ مالىمدەمەسىندە: «ۇشاقتارىمىز گازاداعى تەررورلىق نىساندارعا باعىتتالعان اۋە شابۋىلدارىن باستادى. بۇل گازادان يزرايلگە باعىتتالعان زىمىران شابۋىلىنا بەرگەن جاۋابىمىز»، – دەلىنگەن.

وسىدان بۇرىن يزرايل تارابى گازانىڭ وڭتۇستىگىندەگى تەرريتورياسىنا زىمىران شابۋىلى جاسالعانىن مالىمدەگەن بولاتىن.

ال گازاداعى «حاماس» كۇشتەرى سول جەردەگى بىرنەشە نىسانعا اۋە شابۋىلى جاسالعانىن راستادى.

ايتا كەتەيىك، جاقىندا يزرايل قورعانىس ءمينيسترى سول ەلدەگى اقپارات قۇرالدارىنا بەرگەن سۇحباتىندا الداعى ۋاقىتتا گازانى جويقىن اسكەري شابۋىل كۇتىپ تۇرعانىن ايتقان بولاتىن.

“The Qazaq Times”