اقش پرەزيدەنتى دونالد ترامپ.

اقش پرەزيدەنتى دونالد ترماپ: «رەسەيمەن سالىستىرعاندا قىتاي قاۋىپتى قارسىلاس» - دەپ مالىمدەدى.

CBS تەلەارناسىنا سۇحبات بەرگەن دونالد ترامپ رەسەي مەن قىتايدىڭ الدا كەلە جاتقان سايلاۋلارعا ارالاسۋىنا بايلانىستى پىكىر ءبىلدىردى.

«مەنىڭ ويىمشا، بۇعان دەيىن رەسەيمەن قاتار قىتايدا سايلاۋلارعا ارالاستى. بىراق رەسەيمەن سالىستىرعاندا قىتاي قاۋىپتى قارسىلاس» - دەدى دونالد ترامپ.

بۇعان دەيىن اقش ۆيتسە-پرەزيدەنتى مايك پەنس «قىتاي رەسپۋبليكالىقتار پارتياسىنا قارسى ۇگىت-ناسيحات جۇمىستارىن جۇرگىزۋدە. بۇل قاراشا ايىنىڭ 6-ى كۇنى وتەتىن كونگرەسس سايلاۋىنا اسەر ەتۋ. رەسمي بەيجىڭ وسى ارەكەتى ارقىلى پرەزيدەنت ترامپتىڭ قىتايعا سالعان سانكتسيالارىنا جاۋاپ بەرۋدە» - دەپ مالىمدەگەن. كەيىننەن قىتاي ءسىم بۇل مالىمدەمەنى جوققا شىعارىپ، «جالعان جابىلعان جالا» دەپ باعالاعان.

"The Qazaq Times"