ارميا ۇستاۋىنا تىيىم سالىنعان جاپونيا قورعانىس كۇشتەرىنىڭ مارتەبەسىن كوتەرمەك

جاپونيا باس ءۋازىرى (پرەمەر-ءمينيسترى) شينزو ابە جەكسەنبى كۇنى قارۋلى كۇشتەرمەن كەزدەسكەن كەزدە، جاپونيا بەيبىتشىلىك كونستيتۋتسياسىن قايتا قاراپ، ءوزىن قورعاۋ كۇشتەرىنىڭ مارتەبەسىن كورسەتەتىن 9-ءشى باپتا، ارميا مارتەبەسىنىڭ انىق كورسەتىلۋى كەرەك ەكەنىن ايتتى.

قىركۇيەكتە عانا جالعاستى ءۇش جىل دەموكراتيالىق پارتيانىڭ ليدەرى رەتىنە ەلدىڭ باس ءۋازىرى بولىپ سايلانعان شينزو ابە، جاپونيا قارۋلى كۇشتەرىنىڭ مارتەبەسى جونىندە كونستيتۋتسيالىق وزگەرىستەر ەنگىزۋدى العا قويعان. ول سوزىندە: «بۇل بۇگىنگى ساياساتكەرلەردىڭ جاۋاپكەرشىلىگى. مەن بۇل مىندەتتەردى ورىنداۋعا بەلدى بەكەم بايلادىم»، – دەدى.

شينزو ابە سوزىندە: «ءوزىن قورعاۋ كۇشتەرى حالىقتىڭ سەنىمەن يە بولدى. ساياساتكەرلەر بولسا قورعانىس كۇشتەرىنىڭ ءوز مىندەتىن جوعارى دارەجەدە ورىنداي الاتىن جاعدايى جاساۋى ءتيىس»، – دەدى.

جاپونيانىڭ كونسەرۆاتورلارى قۇراما شتات دايىنداعان بەيبىتشىلىك كونستيتۋتسياسىن جاپونيانىڭ ەكىنشى دۇنيەجۇزىلىك سوعىستاعى جەڭىلىسى رەتىندە قارايدى. شينزو ابە ءوزىن-ءوزى قورعاۋ كۇشتەرىن جاپونيا ارمياسى مارتەبەسىمەن كونستيتۋتسياعا ەنگىزۋگە تىرىسىپ كەلەدى. سەبەبى، ەكىنشى دۇنيە سوعىسىنان كەيىن جاپونياعا ارميا ۇستاۋعا شەكتەۋ قويىلعان. تەك ءوزىن ءوزى قورعاۋ كۇشتەرى دەپ اتالعان قورعانىس كۇشتەرى قۇرالعان.

وسىعان دەيىن جاپونيا تارابى قىتايدىڭ شىعىس قىتاي تەڭىزى ايماعىنداعى اسكەري قادامدارىنىڭ كەڭەيۋىنەن الاڭداپ، قورعانىس قۋاتىن ارتتىرۋعا تىرىسىپ كەلگەن. قىتايمەن اراداعى تەرريتوريالىق جانجالدار جاپونيانىڭ تەڭىز قورعانىس قۋاتىن ارتتىرۋعا يتەرمەلەۋدە.

“The Qazaq Times”