تۇركيا امەريكالىق پاستوردى بوستاندىققا شىعاردى

تۇركيا سوتى امەريكالىق پاستور ەندريۋ برانسوندى قاماۋدان بوساتتى. بۇل تۋرالى «Reuters» حابارلادى.

پاستور ەندريۋ برانسون تۇركيادا 2016 جىلدان بەرى قاماۋدا وتىرعان. وعان 2016 جىلى تۇركيادا مەملەكەتتىك توڭكەرىس جاساماق بولعانداردىڭ ءىس-ارەكەتىنە قاتىسى بار دەگەن ايىپ تاعىلعان. پاستوردىڭ سوتقا تارتىلۋى قوس مەملەكەت اراسىنداعى ساۋدا-ەكونوميكالىق بايلانىستاردىڭ ۋشىعۋىنا اكەلدى. وسى وقيعادان سوڭ قۇراما شتاتتارى تۇركيا ءىىم مەن ادىلەت مينيسترلىگى باسشىلارىنا قارسى سانكتسيا سالدى.

رەسمي ۆاشينگتون وسىعان دەيىن برانسوننىڭ كىناسى جوق ەكەنىن ايتىپ، انكارادان پاستوردى بوساتۋدى تالاپ ەتتى. بىراق انكارا ناقتى شەشىم شىعارماعاندىقتان، اقش تۇركيالىق تاۋارلارعا سالىق كولەمىن ارتتىرىپ، جوعارى لاۋازىمدى شەنەۋنىكتەرگە سانكتسيالار ەنگىزدى. ال رەجەپ تايىپ ەردوعان ەكىنشى تاراپقا قارسى جاۋاپ رەتىندە تۇركيا حالقىن دوللاردان باس تارتۋعا ۇندەدى.

رەسمي مالىمەتتەر بويىنشا، انكارا سوتى قاماۋدا وتىرعان امەريكالىق پاستور ەندريۋ برانسوندى تۇركيا مەن اقش باسشىلارىنىڭ قۇپيا كەلىسىمى ناتيجەسىندە بوستاندىققا شىعارۋعا كەلىسىم بەرگەن. بىراق ەكى تاراپ تا بۇل اقپاراتتى جوققا شىعارىپ وتىر.

"The Qazaq Times"