ارمەنيا پرەمەر-ءمينيسترى نيكول پاشينيان 16 قازان كۇنى وتستاۆكاعا كەتەتىن بولدى.

ءوزىنىڭ وتستاۆكاعا كەتۋىنە بايلانىستى «France-24» تەلەارناسىنا سۇحبات بەرگەن نيكول پاشينيان: «مەنىڭ بولجامىم بويىنشا، پارلامەنت سايلاۋى شامامەن جەلتوقسان ايىنىڭ 9-10 كۇندەرى ارالىعندا وتەدى. ول ءۇشىن مەن 16 قازان كۇنى وتستاۆكاعا كەتۋىم كەرەك» - دەپ مالىمدەگەن.

نيكول پاشينياننىڭ بۇعان دەيىن ايتقان جوسپارى بويىنشا، كونستيتۋتسياعا سايكەس، پارلامەنت پرەمەر-ءمينيستردى ەكى رەت قاتارىنان سايلاي المايدى. ەگەر ول ءوز ەركىمەن وتستاۆكاعا كەتەتىن بولسا، وندا پارلامەنت تاراتىلىپ، مەرزىمىنەن بۇرىن سايلاۋ ءوتۋى ءتيىس.

"The Qazaq Times"