ترامپ نيككي حەيليدىڭ وتستاۆكاعا كەتەتىنىن مالىمدەدى

اق ۇيدە وتكەن كەزدەسۋدە ترامپ بۇۇ-داعى اقش ەلشىسى نيككي حەيليدىڭ جىل سوڭىنا دەيىن ءوز قىزمەتىنەن باسقا لاۋازىمعا اۋىساتىنىن ايتتى.

كەزدەسۋ بارىسىندا ترامپ نيككي حەيليدىڭ وسى ۋاقىتقا دەيىن اتقارعان ىسىنە وڭ باعاسىن بەردى. ال وڭتۇستىك كارولينانىڭ گۋبەرناتورى بولعان حەيلي ءوز سوزىندە پرەزيدەنتكە العىس ءبىلدىرىپ، 2020 جىلعى پرەزيدەنتتىك سايلاۋدا ترامپقا قولداۋ كورسەتەتىنىن ايتتى.

ءۇندى ميگرانتتارىنىڭ وتباسىندا دۇنيەگە كەلگەن حەيلي 2010 جىلدان بەرى اقش-تاعى ەڭ جاس گۋبەرناتور سانالادى. ول بۇل قىزمەتكە 2016 جىلى قاراشادا ۇسىنىلعان. ماۋسىم ايىندا اقش ادام قۇقىقتارى جونىندەگى بۇۇ كەڭەسىنىڭ قۇرامىنان شىعاتىنىن مالىمدەگەن بولاتىن. حەيلي سول كەزدە ترامپتىڭ ميگرانتتارعا قاتىستى ايتقان پىكىرىنە قارسىلىق ءبىلدىرىپ، «تەك ءوز مۇددەسىن ويلايتىن ەكىجۇزدى» دەپ سىناعان.

امەريكا كوشباسشىسى دونالد ترامپ جاڭا ەلشىنى الداعى ۋاقىتتا تانىستىراتىن بولادى.

"The Qazaq Times"