ءسۇريا وپپوزيتسيالىق كۇشتەرى اۋىر قارۋلارىن يدليبتەن شىعاردى

ءسۇريانىڭ وپپوزيتسيالىق كۇشتەرى يدليب ايماعىنان شەگىنە باستادى. وپپوزيتسيا كۇشتەرىنىڭ اتالعان ايماقتان شەگىنۋى سوچيدە وتكەن كەلىسسوز كەزىندە بەكىتىلگەن بولاتىن. بۇل تۋرالى «انادولى» اقپاراتتىق اگەنتتىگى حابارلادى.

ءسۇريانىڭ ۇكىمەتكە قارسى كۇشتەرى ەركىن ءسۇريا ارمياسىنىڭ وكىلى مالىمدەمە جاساپ، ۇكىمەتكە قارسى اسكەري كۇشتەردىڭ يدليب ايماعىنان اۋىر قارۋلارىن شىعارا باستاعانىن ايتقان. دەگەنمەن، باشار اساد كۇشتەرىنىڭ شابۋىلىنان ساقتانۋ ماقساتىندا جەڭىل قارۋلى جاساقتار ايماقتا قالدىرىلاتىنىن، ايماقتا رەجيم كۇشتەرىنە قارسى دايىندىق شارالارىنىڭ ءالى دە جالعاسىپ جاتقانىن ەسكەرتتى.

مالىمەتكە قاراعاندا، ەركىن ءسۇريا ارمياسىنا قاراستى اۋىر قارۋلاردى ايماقتان شىعارۋعا تۇركيا تارابىنىڭ باقىلاۋىندا.

تۇركيا مەن رەسەي باسشىلارىنىڭ سوچيدەگى قول قويعان كەلىسىمەن ساي الداعى ۋاقىتتا يدليبتە قاقتىعىسسىز ايماق جاسالادى. قاقتىعىسسىز ايماقتاردىڭ قاۋىپسىزدىگى رەسەي جانە تۇركيا اسكەرلەرىنىڭ باقىلاۋىنا قالدىرىلماق.

“The Qazaq Times”