سايد اباد اۋدانىندا تاليبان مەن پوليتسيا اراسىندا قاقتىعىس بولدى. فوتو: انادولى.

اۋعانستاندا تاليبان كۇشتەرى سايد-اباد اۋدانىنا شابۋىل جاساپ، جەرگىلىكتى پوليتسيا باسشىسى مەن 6 پوليتسيا قىزمەتكەرىن ولتىرگەن. بۇل تۋرالى سول ەلدىڭ تەلەارنالارى حابارلادى.

سايد-اباد اۋدانى ورنالاسقان مايدان ۆاردەك پروۆينتسياسىنىڭ اكىمشىلىگى تاراتقان رەسمي مالىمدەمەگە قاراعاندا، تاليبان قارۋلى كۇشتەرى اۋدان ورتالىعىنا ءتورت باعىتتان شابۋىل جاساپ باسىپ كىرگەن. تەررورلىق توپ پەن پوليتسيا اراسىنداعى اتىستا 7 ادام قازا بولىپ، 4 پوليتسيا جارالانعان.

شابۋىلدان كەيىن تاليبان ۇيىمى مالىمدەمە جاساپ، سايد-اباد اۋدانىن ءوز باقىلاۋىنا العانىن حابارلادى.

“The Qazaq Times”