اقش پرەزيدەنتى مەن ۆيتسە پرەزيدەنتى. فوتو: NBC.

اقش ۆيتسە-پرەزيدەنتى مايك پەنس قىتايدى امەريكانىڭ ىشكى ساياساتىنا ارالاسىپ وتىر دەپ ايىپتادى.

حادسون ينستيتۋتىندا ءسوز سويلەگەن مايك پەنس اقش-تىڭ رەسەي جانە قىتايمەن قارىم-قاتىناسىنا توقتالا كەلە: «قىتاي پرەزيدەنت ترامپتىڭ ەنگىزگەن سانكتسيالارىنا جاۋاپ رەتىندە رەپۋبليكالىق پارتيا جۇمىسىنا كەدەرگى كەلتىرىپ، اقش-تىڭ ىشكى ساياساتىنا ارالاسۋدا. بىردە ماعان بارلاۋ قىزمەتىندەگى جوعارى لاۋازىمدى ءبىر ازامات ايتقان ەدى. قىتايدىڭ ەل بويىنشا اقش-قا جاساپ وتىرعانىن رەسەيمەن سالىستىرۋعا كەلمەيدى» - دەپ مالىمدەگەن.

مايك پەنستىڭ اتالمىش مالىمدەمەسىنەن كەيىن قىتاي ءسىم رەسمي وكىلى حۋا چۋنين: «مايك پەنستىڭ سوزدەرى شىندىققا جاناسپايدى. ول ءوزىنىڭ وسى مالىمدەمەسى ارقىلى قىتاي ەلىنە جالا جاۋىپ وتىر» - دەپ جاۋاپ بەرگەن.

جالپى، بيلىك باسىنا دونالد ترامپ كەلگەلى بەرى اقش پەن قىتاي قارىم-قاتىناسى بۇرىنعى جىلدارمەن سالىستىرعاندا ۋشىعا تۇسكەن. قازىرگى تاڭدا ەكى ەل اراسىندا ساۋدا سوعىسى ءجۇرىپ جاتىر. رەسمي ۋاشينگتون مەن بەيجىڭ ءبىر-بىرىنە قارسى كەزەك-كەزەك سانكتسيالار ەنگىزۋدە.

"The Qazaq Times"