بەيت-حانۋن شەكارا قاقپاسىندا قاقتىعىس بولدى. فوتو: انادولى.

پالەستينا دەنساۋلىق ساقتاۋ مينيسترلىگى جازباشا مالىمدەمە جاساپ، گازا سەكتورى مەن يزرايل اراسىنداعى بەيت-حانۋن شەكاراسىندا يزرايل اسكەرلەرى بەيبىت شەرۋدەگى پالەستينالىقتارعا شابۋىل جاساعانىن ايتتى. مالىمەتكە قاراعاندا يزرايل اسكەرلەرىنىڭ وعىنان ءبىر بالا قازا تاپقان. بۇل تۋرالى «انادولى» اقپارات اگەنتتىگى حابارلادى.

حابارعا قاراعاندا، يزرايل اسكەرلەرى شەكارا قاقپاسىنا جاقىن كەلگەن پالەستينالىق ەرەۋىلشىلەرگە جاساۋراتقىش گازبەن تويتارىس بەرگەن. ەرەۋىلشىلەر مەن اسكەريلەر اراسىنداعى قاقتىعىستا يزرايل قارۋلىلارى وق جاۋدىرعان.

پالەستينالىقتار «ۇلكەن بۇرىلىس» شەرۋى اياسىندا بەيت-حانۋن شەكارا قاقپاسىندا ەرەۋىل ۇيىمداستىرعان. اتالعان، قوزعالىس 30 ناۋرىزدان بەرى جالعاسىپ كەلەدى.

“The Qazaq Times”