گرۋزيا ناتو مەن رەسەي ءۇشىن بىردەي ماڭىزدى ستراتەگيالىق ورىندا. فوتو: ۆيكيپەديا.

ناتو-نىڭ باس حاتشىسى ستولتەنبەرگ مالىمدەمەسىندە، ۇيىم گرۋزيانىڭ مۇشەلىگىن قولدايتىنىن، ناتو-نىڭ قۇشاعى گرۋزينگە اشىق ەكەنىن ايتتى. بۇل تۋرالى «انادولى» اقپاراتتىق اگەنتتىگى حابارلادى.

اتالعان مالىمدەمە، بەلگيانىڭ ورتالىق قالاسى بريۋسسەلدە  ناتو-عا مۇشە ەلدەردىڭ قورعانىس مينيسترلەرى جينالىسى اياسىندا وتكىزىلگەن ناتو-گرۋزيا ورتاق كوميسسياسىنىڭ سەسسياسىندا جاريالاندى.

ول سوزىندە ناتو-نىڭ اۋعانستان ميسسياسىنداعى گرۋزيانىڭ ماڭىزدى ورنىن اتاپ ءوتتى جانە الداعى ۋاقىتتا ۇيىمنىڭ ماڭىزدى وداقتاسىنىڭ ءبىرى بولاتىنىن ايتتى.

يەنس ستولتەنبەرگتىڭ ايتۋىنشا، ۇيىم الداعى ۋاقىتتا ەكى جاقتى ىنتىماقتاستىقتى، قورعانىس جوسپارلارىن قالاي ۇيلەستىرۋ ىستەرىن قولعا العان.

گرۋزيانىڭ ناتو-عا مۇشەلىگى شىلدە ايى كەزىندەگى ناتو وتىرىستارىندا دا كۇشتى قولداۋعا يە بولعان بولاتىن. الايدا، بۇل رەسەيدىڭ قاتتى الاڭداۋشىلىعىن تۋعىزارى انىق.

  “The Qazaq Times”