لەيبوريستەر پارتياسى مەيدى بيلىكتەن كەتىرۋگە دايىن

Brexit ماسەلەسى كۇندەلىكتى داۋعا اينالىپ بارادى. ەگەر تەرەزا مەي ۇكىمەتى ەو-دان شىعۋ تۋرالى كەلىسىمدە ورتاق شەشىمگە كەلە الماسا، بريتانيا حالقى مەرزىمىنەن تىس پارلامەنتتىك سايلاۋ وتكىزۋگە دايىن.

Sky News تىلشىلەرىنىڭ حابارلاۋىنشا، بىرىككەن كورلدىكتىڭ لەيبوريستەرى وسىنداي مالىمدەمە جاساعان. ليۆەرپۋلدەگى پارتيانىڭ كەزەكتى سەزىندە لەيبوريستەر جەتەكشىسى دجەرەمي كوربين: «ۇلىبريتانيانىڭ ەۋرووداقتىڭ قۇپتاۋىنسىز Brexit-ءتى جۇزەگە اسىرۋى قيىندىق تۋعىزادى. بۇل دەگەنىمىز مەملەكەتتىڭ بولاشاعىنا، ەكونوميكالىق دامۋىنا نۇقسان كەلترەتىن بىردەن-ءبىر فاكتورلار. ەگەر كەلىسىم راسىمەن ورىندالاتىن بولسا، مىندەتتى تۇردە بريتانيانىڭ كەدەندىك وداقتاعى مۇشەلىگى، كادرلىق ماسەلەلەر مەن يرلانديامەن اراداعى شەكارانى بولدىرماۋدى قاراستىرۋى ءتيىس. الداعى ۋاقىتتا كونسەرۆاتورلار پارتياسى بريۋسسەلمەن ناقتى ءبىر كەلىسىمگە كەلە الماعان جاعدايدا، ءبىز جالپىۇلتتىق سايلاۋ وتكىزەمىز»، – دەيدى. سونداي-اق ول ەو-نىڭ Brexit بوينشا مامىلەگەرى ميشەل بارنەمەن كەزدەسىپ، وسى ماسلەلەردى تالقىلاماق.

"The Qazaq Times"