ءسۇريانى قالپىنا كەلتىرۋگە دايىن ەكەنىن ايتقان ەۋرووداق ءوز شارتىن ۇسىندى

ەۋرووداق ءسۇريانى قالپىنا كەلتىرۋگە اتسالىسۋعا دايىن ەكەنىن مالىمدەدى. الايدا، ونىڭ ماڭىزدى ءبىر شارت قاتاڭ ساقتالعان جاعدايدا عانا مۇمكىن ەكەنىن حابارلادى، - دەپ جازادى fr.euronews.com ەۋروپالىق ديپلوماتيانىڭ باسشىسى فەدەريكا موەرينيدىڭ مالىمدەمەسىنە سىلتەمە جاساپ.

«ەو ءسۇريانىڭ قالپىنا كەلتىرىلۋىنە قارجى سالۋعا دايىن. سەبەبى، ءبىز ءۇشىن سار ء(سۇريا اراب رەسپۋبليكاسى) مەن شەت ەلدەردەگى سۇريالىق حالىقتىڭ جاعدايى اسا ماڭىزدى. الايدا، ءبىزدىڭ سار-سىن قالپىنا كەلتىرۋگە اتسالىسۋىمىز ءۇشىن ونداعى ساياسي ۇدەرىس رەتتەلۋى ءتيىس»، - دەدى ف.موگەريني.

ول سونىمەن قاتار، تۇركيا مەن رەسەي اراسىندا قول قويىلعان كەلىسىمشارتقا سايكەس يدليبتەگى جاعداي تۇراقتالاتىن بولسا، سول شارتتاردىڭ مۇمكىن ەكەنىن دە قوسا ايتقان. ونداي جاعدايدا «كونستيتۋتسيالىق كوميتەت قالپىنا كەلتىرۋ جۇمىستارىنا حالىقارالىق قاۋىمداستىقتى تارتىپ، ساياسي پروتسەستى ىسكە قوسۋعا باعىتتالعان جۇمىستى باستايدى»، - دەدى، موگەريني.

بۇدان بۇرىن ءسۇريا اراب رەسپۋبليكاسىنىڭ پرەزيدەنتى باشار اساد كوپ جىلدىق سوعىستان زارداپ شەككەن ءسۇريانى قالپىنا كەلتىرۋگە باتىس ەلدەرى ارالاسپايدى دەپ مالىمدەگەن ەدى. ونىڭ سوزىنشە، بۇنى بىرجاقتى ەتۋگە سۇريالىقتاردىڭ ءوز كۇشى جەتەدى. ال، بۇۇ مالىمەتى بويىنشا، وسىنداي قايتا قالپىنا كەلتىرۋ جۇمىستارىنا كەم دەگەندە 50 جىل كەتەدى. تاعى ءبىر ايتا كەتەتىن جايت، ءسۇريانى قالپىنا كەلتىرۋگە يران يسلام رەسپۋبليكاسىنىڭ پرەزيدەنتى حاسان رۋحاني دە ۋادە بەرگەن. سونىمەن قاتار، بەيجىڭ دە تەرروريستەر تاراپىنان قيراعان مادەني مۇرا نىساندارىن قالپىنا كەلتىرۋگە دايىن ەكەنىن بىلدىرگەن ەدى.

“The Qazaq Times”