فوتو: cdn.extra.ie

ۆاشينگتوندا وتكەن ماڭىزدى كەزدەسۋدە اقش پرەزيدەنتى  دونالد ترامپ پولشا پرەزيدەنتىنە اسكەري بازا ورناتاتىنىن جەتكىزدى.

پرەزيدەنتتىڭ شەشىمىن قۇپتاعان اندجەي دۋدا ستراتەگيالىق ايماقتى قۇرۋ ءۇشىن بارلىق جاعدايدى جاساۋعا دايىن ەكەنىن ايتتى. سونداي-اق پولشا پرەزيدەنتىنىڭ پىكىرىنشە، «كەز كەلگەن سوققىعا، كۇتپەگەن شابۋىلدارعا قارسى توتەپ بەرۋ ءۇشىن امەريكانىڭ تۇراقتى اسكەري بازاسىن ورناتۋ ماڭىزدى».

كەزدەسۋ بارىسىندا اق ءۇي باسشىسى: «وسى ۋاقىتقا دەيىن ەكى ەل اراسىنداعى بايلانىس قازىرگىدەي بەرىك بولعان جوق. اسكەري بازا جايلى شەشىمنەن سوڭ، اندجەي دۋدامەن قورعانىس سالاسىن نىعايتۋعا كۇش سالماقپىز. ونىڭ ىشىندە تەحنولوگيالارعا قاتىستى بايلانىستار مەن زىمىرانعا قارسى قورعانىس جۇيەسى نىعايتىلادى»، – دەدى.

قازىرگى ۋاقىتتا كەلىسىمدى جۇزەگە اسىرۋ ءۇشىن پولشاعا امەريكاندىق جاساقتار جىبەرىلگەن.

"The Qazaq Times"