اقش پرەزيدەنتى دونالد ترامپ پەن پەنتاگون باسشىسى جەيمس مەتتيس.

اقش پرەزيدەنتى دونالد ترامپ پەنتاگون باسشىسى جەيمس مەتتيستى جۇمىستان قۋى مۇمكىن – دەپ حابارلايدى «The New York Times» باسىلىمى.

«The New York Times» مالىمەتىنشە، ترامپ پەن مەتتيس اقش-تىڭ وڭتۇستىك كورەيامەن بىرلەسىپ وتكىزەتىن اسكەري وقۋ-جاتتىعۋ جۇمىستارى، اق ءۇيدىڭ يران يادرولىق كەلىسىمىنەن شىعۋى سياقتى ماسەلەلەردە كەلىسىمگە كەلە الماعان. وسىعان بايلانىستى مەتتيس ۇزاق ۋاقىتتان بەرى ءوزىنىڭ ترامپپەن قانداي ماسەلەلەر بويىنشا كەلىسە الماعاندىعى جونىندە جۋرناليستەر سۇراعىنا جاۋاپ بەرۋدەن باس تارتۋدا. ول وسى ۋاقىتقا دەيىن ءبىر دە ءبىر باسىلىمعا سۇحبات بەرمەگەن.

«The New York Times» گازەتىنىڭ اق ءۇي مەن پەنتاگونداعى اقپارات كوزدەرىنىڭ سوزىنشە، ترامپ مەتتيستىڭ مەملەكەتتىك حاتشى مايك پومپەو سياقتى ءوزىنىڭ جاعىندا بولعانىن قالايدى. بىراق مەتتيس وسى ۋاقىتقا دەيىن ونىڭ بۇل قالاۋىن ارىنداعاندى بىلاي قويىپ، كەيبىر ماسەلەلەردە وعان قارسى شىعۋدا. امەريكالىق سالاپشىلاردىڭ سوزىنشە، مەتتيستىڭ وتستاۆكاعا كەتۋى ترامپقا ۇلكەن قيىندىقتار الىپ كەلەدى. سەبەبى ول پەنتاگون مەن رەسپۋبليكا پارتياسىنىڭ وكىلدەرىنىڭ قولاۋىنا يە.

"The Qazaq Times"