استانا انكارانىڭ حالىقارالىق ساحناداعى ساياساتىن قولدايدى، - دەدى قر پرەزيدەنتى ن.نازارباەۆ تۇركيا پرەزيدەنتى رەجەپ تايىپ ەردوعانمەن بىرلەسە وتكەن ءباسپاسوز كونفەرەنتسياسىندا. بۇل تۋرالى انادولۋ اگەنتتىگى حابارلايدى.

قر پرەزيدەنتى اكىمشىلىگىنىڭ ءباسپاسوز قىزمەتىنىڭ حابارلاۋىنشا، ن.نازارباەۆ تۇركيالىق ارىپتەسىمەن انكارادا ەكجاقتى ءتيىمدى كەلىسسوزدەر وتكىزگەن.  "تۇركيا مەن قازاقستان ايماقتىق جانە جاھاندىق ماسەلەلەردە بىردەي ۇستانىمدا. ەكى ەلدىڭ ىنتىماقتاستىعى ولاردىڭ ىنتىماقتاستىعى مەن تاريحىنا نەگىزدەلگەن. قازاقستان-تۇركيا جوعارى دەڭگەيلى ىنتىماقتاستىق ستراتەگيالىق ءۇشىنشى كەڭەسىنىڭ قورىتىندىلارى ەكى ەلدىڭ اراسىنداعى ىنتىماقتاستىقتى بەكىتەدى. استانا مەن انكارا اراسىنداعى ساياسي ديالوگ دامۋدا. وسىعان بايلانىستى ەلارالىق كەزدەسۋلەردى جالعاستىرۋ ماڭىزدى", - دەگەن ن.نازارباەۆ. مەملەكەت باسشىسىنىڭ سوزىنشە، كەشە تۇركىتىلدەس مەملەكەت باسشىلارىنىڭ قاتىسۋلارىمەن قىرعىزستاندا وتكەن تۇركى كەڭەسى ءسامميتىنىڭ قورىتىندىلارى دا تالقىلانعان.

ن.نازارباەۆ، سونىمەن قاتار: "قازاقستاندا تۇرىك كاپيتالىمەن جۇمىس ىستەيتىن 800-دەن استام كومپانيا بار. وتكەن جىلدىڭ قورىتىندىلارى بويىنشا، ەكى ەل اراسىنداعى تاۋار اينالىمىنىڭ جالپى كولەمى 1,9 ميلليارد دوللاردى قۇردى. قازىرگى ۋاقىتتا وسى دەڭگەيدى 5 ميللياردقا دەيىن ، ال كەيىن 10 ميلليارد دوللارعا جەتكىزۋ كوزدەلۋدە. ەكى ەلدىڭ ۇكىمەتى وسى باعىتتا جۇمىس ىستەيتىن بولادى»، - دەگەن.

ايتا كەتۋ كەرەك، كەشە، 13 قىركۇيەكتە ن.نازارباەۆ رەسمي ساپارمەن تۇركياعا بارعان ەدى. ول وندا تۇركيا پرەزيدەنتى رەجەپ تايىپ ەردوعانمەن ەكىجاقتى كەلىسسوزدەر جۇرگىزىپ، ەكى ەل باسشىلارى قازاقستان-تۇركيا جوعارى دەڭگەيلى ىنتىماقتاستىق ستراتەگيالىق كەڭەسىنىڭ ءۇشىنشى وتىرىسىن وتكىزدى.

“The Qazaq Times”