رەسەي سىرتقى ىستەر مينيسترلىگىنىڭ ارنايى تاپسىرمالار بويىنشا ەرلىشىسى يگور براتچيكوى: «كاسپي جاعالاۋى ەلدەرىنىڭ جۇمىسىنا اقش باستاعان بىرنەشە مەملەكەت ارالاسپاق بولدى» – دەپ مالىمدەدى.

رەسەيدىڭ «كوممەرسانت» باسىلىمىنا سۇحبات بەرگەن يگور براتچيكلۆ كاسپي تەڭىزىنىڭ قۇقىقتىق مارتەبەسىن انىقتاۋعا بايلانىستى پىكىر ءبىلدىردى. وندا ول: «كاسپي تەڭىزىنە قاتىستى جۇمىستارعا اۋماققا قاتىسى جوق ويىنشىللاردىڭ ارالاسۋى بولدى. كاسپيدىڭ قۇقىقتىق مارتەبەسىن انىقتاۋدا ەۋرازيا اۋماعىنا قاتىسى جوق مەملەكەتتەر قىزىعۋشىلىق تانىتتى. سوڭعى شەشىمگە ءوز ىقپالدارىن جۇرگىزۋگە تىرىستى. ونىڭ ىشىندە اقش باستاعان بىرنەشە مەملەكەتتە بار» - دەپ مالىمدەگەن.

ەستەرىڭىزگە سالايىق، تامىز ايىنىڭ 12-ءى كۇنى اقتاۋ قالاسىندا V كاسپي جاعالاۋى ەلدەرىنىڭ ءسامميتى وتكەن. سامميتتە قازاقستان، ءازىربايجان، رەسەي، تۇركىمەنستان جانە يران ەلدەرىنىڭ باسشىلارى باس قوسىپ، كاسپي تەڭىزىنە ارنايى قۇقىقتىق مارتەبە بەرۋگە بايلانىستى كونۆەنتسياعا قول قويعان.

"The Qazaq Times"