وڭتۇستىك كورەيا مەن سولتۇستىك كورەيا بىرىگىپ وليمپيادا ويىندارىن وتكىزۋى مۇمكىن.

«Yonhap» اقپارات اگەنتتىگىنىڭ مالىمەتىنشە، وڭتۇستىك كورەيا تاراپى كحدر-عا 2032 جىلى وتەتىن وليمپيادا ويىندارىن بىرلەسىپ وتكىزۋگە بايلانىستى ۇسىنىس جاساماق.

وڭتۇستىك كورەيا سپورت ءمينيسترى دو چەن حۆان اتالمىش ماسەلەگە بايلانىستى جۋرناليستەر الىنداندا سويلەگەن سوزىندە: «مەن كورەي تۇبەگىندەگى ماسەلەلەردى بەيبىت جولمەن شەشۋدىڭ ءبىر جولى رەتىندە وليمپيادا ويىندارىن بىلەسىپ وتكىزۋ جوسپارىن ۇسىنباقپىن. رەسمي سەۋل مەن پيوڭياڭ بۇل ويىنداردى بىرىگىپ وتكىزە الادى» - دەپ مالىمدەگەن.

بۇدان بولەك دو چەن حۆانىڭ سوزىنشە، الداعى ۋاقىتتا وڭتۇستىك كورەيا 2030 جىلى وتەتىن فۋتبولدان الەم چەمپيوناتىن قىتاي، جاپونيا جانە سولتۇستىك كورەيامەن بىرلەسىپ وتكىزۋگە بايلانىستى ۇسىنىس جاساماق.

ايتا كەتەتىن ءبىر جايت، وڭتۇستىك كورەيا 1988 جىلى سەۋل وليمپياداسى كەزىندە دە ءدال وسىنداي ۇسىنىس جاساعان. بىراق ول كەزدە تاراپتار وليمپيادا شارالارىن بولىسە الماي، جازعى وليمپيادا ويىندارىن وڭتۇستىك كورەيا ءبىر ءوزى وتكىزگەن.

"The Qazaq Times"