فرانتسيانىڭ قورعانىس ءمينيسترى فلورانس پارلي رەسەيدى «اۋىر قىلمىس جاسادى» دەپ ايىپتادى. Reuters اگەنتتىگىنىڭ مالىمەتى بويىنشا، فرانتسيا مەن يتاليا ارميالارىنىڭ سپۋتنيگىندەگى قاۋىپسىزدىك ماقساتىندا پايدالاناتىن دەرەكتەردى رەسەي ۇرلاۋعا تىرىسقان.
رەسەيلىك «لۋچ-وليمپ» راديوەلەكترونيكالىق سپۋتنيگى Athena-Fidus سپۋتنيگىندەى شيفرلەنگەن مالىمەتتەرگە كوز تىككەن. جالپى قاشىقتىعى جەردەن 36 مىڭ كيلومەتردى قۇرايتىن سپۋتنيك تەك فرانتسۋز-يتاليان عانا ەمەس، وزگە دە عارىش اپپاراتتارىنا بارعان. بۇعان دەيىن امەريكا دا رەسەيدىڭ استىرتىن ارەكەتىن اشكەرەلەپ، باسقا مەملەكەتتەرگە حابار بەرگەن بولاتىن.
دەرەكتەرگە ساي، اتالعان «ۇرى» اپپارات عارىشقا 2017 جىلعى قازاندا ۇشىرىلعان. وسىنداي تيپتەگى سپۋتنيكتەر وربيتادا ورنىن وزگەرتىپ، باسقا مەملەكەتتەردىڭ سپۋتنيكتىك اقپارتتارىن بىلە الادى.
الداعى ۋاقىتتا فرانتسيا مەن رەسەيدەن بولەك، عارىشتى زەرتتەپ، كوسموستى يگەرۋدە قۇراما شتاتتارى، قىتاي دا اسا باسەكەلەس رەتىندە قالىپتاسادى. سول سەبەپتى اقش-تىڭ الپاۋىت عارىش اسكەرىن قۇرۋى باتىل قادامعا بارعاندىعىن بىلدىرەدى.
فلورانس پارلي رەسەيدىڭ ارام پيعىلىن بىلگەن بويدا، ەۋروپالىق اسكەريلەردىڭ شۇعىل شارالار قابىلداعانىن ايتتى. سونداي-اق ول بۇل ارەكەتكە «كورشىلەردىڭ تىڭ تىڭداۋى بارىپ تۇرعان شپيوندىق قىلمىس» دەگەن باعا بەردى.
كۇنى كەشە بريتانيا بيلىگى رەسەيدى «سكريپال ءىسىن» ۇيىمداستىردى دەپ ايىپ تاقتى. ال اقش وسى ۋاقىتقا دەيىن ماسكەۋگە قارسى سانكتسيالاردى ارتتىرىپ كەلەدى. فرانتسيانىڭ بۇگىنگى مالىمەتى دە رەسەيگە اۋىر سوققى بوپ تيەتىنى ءمالىم.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟