قۇراما شتاتتار قارجى مينيسترلىگى ءسۇريا بيلىگىنە مۇناي تاسىمالاۋعا كومەكتەسكەندەرگە سانكتسيا سالدى. سانكتسيا سوققى بوپ تيگەندەردىڭ قاتارىندا ءسۇريانى قارا التىنمەن قامتاماسىز ەتتى دەگەن بەس كومپانيا جانە ءتورت ادام بار.
قارجى ءمينيسترى ستيۆەن ءمنۋچيننىڭ مالىمەتىنشە، ليۆان، ءسۇريا، بىرككەن اراب امىرلىكتەرى ارقىلى استىرتىن مۇناي تاسىمالداۋمەن اينالىسقان ءتورت كومپانياڭا سانكتسيا سالىنعان. سونداي-اق، جاڭا سانكتسياعا ەكسترەميستىك ۇيىم دەپ تانىلعان «يسلام مەملەكەتى» سودىرلارىمەن مۇناي تاسىمالداۋدا بىرلەسە ارەكەت ەتكەن سۇريالىق كاسىپكەر مۋحامماد ءال-كاتيردجي مەن ونىڭ جەكە كولىك ترانسپورتى دا ىلىكتى. كاسىپكەر وسى ۋاقىتقا دەيىن ءسۇريانى قارجىلاندىرۋدان بولەك، باشار اساد ۇكىمەتىمەن جاقىن بايلانىستا بولعان.
ەكسكليۋزيۆتى جاڭالىق رەتىندە ستيۆەن منۋچين: «اقش يسلام مەملەكەتىنە قولداپ، ءارى قاتىگەز باشار اساد بيلىگىنە ترانزاكتسيا جاساۋعا كومەك كورسەتكەندەردى ەشقاشان نىسانادان ءمۇلت جىبەرمەيدى»، – دەدى.
مۇناي ماسەلەسىنەن بولەك، كاتيردجيدىڭ سۇرياداعى كاسىپورنىنىڭ يراكتان سۇرياعا قارۋ-جاراق جونەلتكەنى ءمالىم بولدى. ەندى سانكتسيا سالىنعان كاسىپورىندار مەن كاسىپكەرلەردىڭ امەريكاداعى اكتيۆتەرى بۇعاتتالىپ، ەكەۋارا ەكونوميكالىق بايلانىسقا توسقاۋىل قويىلادى.
قاعازداعى پاتسيەنتتىڭ ومىردەگى جاعدايى: ءۇنسىز ءارى الپاۋىت ەپيدەمياعا قارسى كۇرەستە قازاقستاندىق ابب-نىڭ قاۋقارى مەن كەمشىلىگى
الماتىدا جاڭا زاماناۋي كىتاپحانا اشىلدى
ŞAM تەاترىنىڭ كينوەكسپەريمەنتى: «№37» قويىلىمى فيلمگە اينالدى
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى