فوتو: lemonde.fr

بىرىككەن ۇلتتار ۇيىمىنىڭ بوسقىندار ءىسى جونىندەگى جوعارعى كومميسارىنىڭ باسقارماسى (بجكب) سۇريالىق بوسقىنداردى ازىق-تۇرىك، كيىم-كەشەكپەن قامتاماسىز ەتۋ ءۇشىن تەز ارادا 271 ميلليون دوللار كەرەك ەكەنىن حابارلاپ، دابىل قاعۋدا. بجكب-نىڭ بۇل مالىمدەمەسى «lemonde.fr» سايتىندا جارىق كوردى.

بجكب-نىڭ يوردانيا استاناسى اممانداعى كەڭسەسىنەن جاسالعان جازباشا مالىمدەمەدە سۇريالىق بوسقىندار ءۇشىن شۇعىل تۇردە 271 ميلليون دوللار كەرەك ەكەنى ايتىلىپ، 2018 جىلدىڭ قالعان ايلارىندا كومەككە قاتتى مۇقتاج بوسقىندارعا قولداۋ كورسەتىلۋ جوسپارى بار ەكەنى دە جازىلعان. كومەككە قاتتى مۇقتاجدارمەن قاتار، تۇركيا، ليۆان، يوردانيا، مىسىر جانە يراكتا 5,6 ميلليون سۇريالىق بوسقىن (ونىڭ 2,6-سى بالالار) بار ەكەنى ناقتىلانعان.

“The Qazaq Times”