فوتو: يراكتاعى ميتينگكە شىعۋشىلار

يراكتىڭ باسرا قالاسىنداعى يراكتىق قاۋىپسىزدىك كۇشتەرىمەن ارادا جالعاسقان قاقتىعىس سالدارىنان جەتى ادام قازا تاۋىپ، 30-دان استام ادام جاراقاتتانعان. بۇل تۋرالى جەرگىلىكتى اقپارات كوزدەرىنە سىلتەمە جاساپ haberler.com حابارلايدى.

قازىرگى تاڭدا، قالا تۇرعىندارىنا ۇيلەرىنەن شىعۋعا تىيىم سالىنعان. ميتينگكە شىعۋشىلار جەرگىلىكتى اكىمشىلىك عيماراتىن ورتكە وراعان. اقپارات كوزدەرىنىڭ مالىمەتىنشە، بۇل جولعى تارتىپسىزدىكتەر كوممۋنالدىق قىزمەتتەردىڭ ناشارلاۋىنا بايلانىستى باستالعان.

بۇدان بۇرىن يراكتىڭ وڭتۇستىگىندە جۇمىسسىزدىق، جەمقورلىق، ەلەكترەنەرگياسى، سۋمەن قامتاماسىز ەتۋ سالاسىنداعى ءۇزىلىس، الەۋمەتتىك جاعدايلاردىڭ ناشارلاۋى سياقتى كەلەڭسىزدىكتەرگە بايلانىستى قارسىلىق اكتسيالارى باستالعانىن جازعان ەدىك. باسرادا باستالعان ميتينگتەر ەلدىڭ زيكار، بابيل، مايسان، ءاد-ديۆاني، نارجاف سىندى قالالارىنا دا تارالعان.

“The Qazaq Times”