فوتو: كورنەكى سۋرەت

بريۋسسەل لوندوندى ساۋدا مىندەتتەرىن تولىق كولەمدە ءوز موينىنا الۋعا قۇلىقسىز دەپ ايىپتايدى. ەۋرووداق باسشىسى ميشەل بارنە ۇلىبريتانيانىڭ ەو قۇرامىنان شىعۋى تۋرالى كەلىسسوزدە بريتانيالىق پرەمەر-مينيستر تەرەزا مەي ۇسىنعان ساۋدا كەلىسىمشارتىنا قارسى شىقتى.

ونىڭ سوزىنشە، لوندوندا جاسالعانمەن، قىزمەتتەرگە ەمەس تەك تاۋارلارعا قاتىستى «ەرەجەلەردىڭ جالپى قاعيداسى» ەۋرووداق مۇددەسىنە ەش قاتىسى جوق. بارنە لوندوننىڭ مۇنداي جوسپارىن «ورتاق نارىق پەن ەۋروپالىق جوبانىڭ سوڭى» دەپ ەسەپتەيتىندىكتەرىنە دە قاتىستى پىكىر ايتتى.

«مەن لوندون ۇسىنىستارىنا قارسى شىعامىن. ءاربىر ازىق-تۇلىككە قىزمەتتەر كورسەتىلەدى. مىسالى، ءسىزدىڭ ءموبيلدى تەلەفوندارعا قاتىستى ايتساق، بۇل ولاردىڭ قۇنىنان 20% -دان 40%-ىنا دەيىن قۇرايدى. بىزدە تاۋارلاردىڭ ورتاق نارىعى، قىزمەتتەرى، كاپيتالى بار. ءبىز ونداعان جىلدار بويى ءوزىمىزدىڭ ەكونوميكالىق جۇيەمىزدى دامىتتىق»، - دەدى ميشەل بارنە. ول ۇلىبريتانيا مەن ەۋرووداق اراسىنداعى كەلىسسوزدەر ءۇشىن سوڭعى مەرزىم وسى جىلدىڭ قازان ايىنىڭ سوڭىنا دەيىن ەكەنىن، ولاردى قاراشانىڭ ورتاسىنا دەيىن ۇزارتا الاتىندىقتارىن دا ايتتى.

ال، تەرەزا مەي ۇلىبريتانيانىڭ ەو-دان شىعۋ تۋرالى ماسەلەدە رايىنان قايتپايتىنىن، وسى ماسەلەگە قاتىستى قايتادان رەفەرەندۋم وتكىزبەيتىنىن دە مالىمدەگەن.

“The Qazaq Times”