فوتو: بەكبولات تىلەۋحان

قازاقستان 2021 جىلى ءى بۇكىلالەمدىك ەتنوسپورت ويىندارىن وتكىزۋگە نيەتتى. بۇل تۋرالى استانادا وتكەن ءباسپاسوز جيىنىندا حابارلانعان.

قر ءماجىلىس دەپۋتاتى، ۇلتتىق سپورت تۇرلەرى اسسوتسياتسياسىنىڭ پرەزيدەنتى بەكبولات تىلەۋحاننىڭ سوزىنشە، 2018 جىلدىڭ 14-14 تامىزىندا تۇركيانىڭ ىستامبۇل قالاسىندا يۋنەسكو-نىڭ ەتنوسپورت بويىنشا IV كەشەندى كونسۋلتاتيۆتى كەڭەسى وتكەن. سول وتىرىستا قازاقستاندا ءى بۇكىلالەمدىك ەتنوسپورت ويىندارىن وتكىزۋ تۋرالى شەشىم شىعارىلعان.

«ودان بولەك، قازاقستان رەسپۋبليكاسىنىڭ ۇلتتىق سپورت تۇرلەرى اسسوتسياتسياسى بۇكىلالەمدىك ەتنوسپورت كونفەدەراتسياسىنىڭ تولىققاندى مۇشەسى اتاندى»، - دەپ حابارلاعان ب.تىلەۋحان.

ايتا كەتۋ كەرەك، ءى بۇكىلالەمدىك ەتنوسپورت ويىندارىن بۇكىلالەمدىك ەتنوسپورت كونفەدەراتسياسى، قر سپورت جانە مادەنيەت مينيسترلىگى جانە قر ۇلتتىق سپورت تۇرلەرى اسسوتسياتسياسى وتكىزبەك. سونىمەن قاتار، 2 قىركۇيەكتە قىرعىزستاندا ءىىى بۇكىلالەمدىك كوشپەندىلەر ويىنى وتەدى. وعان قازاقستاننان دا سپورتشىلار قاتىسادى دەپ كۇتىلۋدە.

“The Qazaq Times”