Фото: Бекболат Тілеухан

Қазақстан 2021 жылы І Бүкіләлемдік этноспорт ойындарын өткізуге ниетті. Бұл туралы Астанада өткен баспасөз жиынында хабарланған.

ҚР Мәжіліс депутаты, Ұлттық спорт түрлері ассоциациясының президенті Бекболат Тілеуханның сөзінше, 2018 жылдың 14-14 тамызында Түркияның Ыстамбұл қаласында ЮНЕСКО-ның этноспорт бойынша IV кешенді консультативті кеңесі өткен. Сол отырыста Қазақстанда І Бүкіләлемдік этноспорт ойындарын өткізу туралы шешім шығарылған.

«Одан бөлек, Қазақстан Республикасының ұлттық спорт түрлері Ассоциациясы Бүкіләлемдік этноспорт конфедерациясының толыққанды мүшесі атанды», - деп хабарлаған Б.Тілеухан.

Айта кету керек, І Бүкіләлемдік этноспорт ойындарын Бүкіләлемдік этноспорт конфедерациясы, ҚР Спорт және мәдениет министрлігі және ҚР Ұлттық спорт түрлері ассоциациясы өткізбек. Сонымен қатар, 2 қыркүйекте Қырғызстанда ІІІ Бүкіләлемдік көшпенділер ойыны өтеді. Оған Қазақстаннан да спортшылар қатысады деп күтілуде.

“The Qazaq Times”