فوتو: كورنەكى سۋرەت

ۋاشينگتوننىڭ سىرتقى ساياساتى الەمدىك ساياسات ساحناسىنداعى قاعيدالارعا مۇلدەم كەرەعار. ونىڭ وسى ارەكەتى ەۋرووداق پەن اقش اراسىنداعى داعدارىسقا دا سەبەپ بولدى.  دۇيسەنبى، 27 تامىزدا فرانتسيا پرەزيدەنتى ەممانۋەل ماكرون وسىنداي مالىمدەمە جاسادى. بۇل تۋرالى فرانتسيالىق «france24.com/fr» جازادى.

«بىرىككەن شتاتتار الەمدىك تارتىپپەن قۇرىلعان كوپ تااراپتىلىقتان باس تارتتى. الدىمەن، امەريكالىق ساياساتتان ۇلكەن داعدارىس تۋىندادى. ول ەۋروپالىق ديپلوماتياعا كەرى اسەرىن تيگىزدى»، - دەگەن ول «اقش-تىڭ» دۇنيەجۇزىلىك سوعىستان كەيىن ەۋروپا ورناتقان الەمدىك ءتارتىپتى بۇزعانىن دا» ايتقان. ونىڭ سوزىنشە، ەۋرووداق ەلدەرى مەن امەريكا اراسىنداعى داعدارىس «امەريكالىق ساياساتتان، ناتو-نىڭ بولاشاعىنا دەگەن كۇدىكتەن (اقش-تىڭ مالىمدەمەسىنە قاتىستى ايتىلعان — رەد.), قىتايمەن ساۋدا سوعىسىنا جەتكىزگەن بىرجاقتى ءارى اگرەسسياشىل ساۋدا ساياساتتارىنان، اقش-تىڭ پاريج جانە «ورتاق قادام جان-جاقتى كەلىسىمشارتى» دەپ اتالاتىن يراننىڭ يادرولىق كەلىسىمشارتىنان باس تارتۋىنان» تۋىنداعان. «فرانتسيا ۋاشينگتوننىڭ وسىنداي شەشىمىنە قارسى ۇنەمى ءبىرىنشى بولىپ باس كوتەرەدى. فرانتسيا ۇنەمى وزگە ەلدەرمەن ارا-قاتىناستى قيىنداتپاۋ ءۇشىن باسقا ءبىر شەشىم قابىلداۋعا تىرىسىپ كەلدى. مەن، وسىنداي ۇستانىم مەن قادامدى ءالى دە جالعاستىرا بەرەمىن» ، - دەگەن ماكرون.

“The Qazaq Times”