فوتو: يتالياداعى بوسقىندار

يتاليانىڭ پورتتى قالاسى كاتانيادا مىڭداعان تۇرعىن ميتينگكە شىعىپ، بيلىكتەن تەز ارادا بوسقىندار ماسەلەسىن بىرجاقتى ەتۋدى تالاپ ەتۋدە. بۇل تۋرالى  www.lci.fr حابارلايدى.

ەسكە سالايىق، مالتا ۇكىمەتى قابىلداۋدان باس تارتقاندىقتان، 177 بوسقىن تيەلگەن «Diciotti» كەمەسى 20 تامىز كۇنى سيتسيلياعا جەتكىزىلگەن ەدى. يتاليانىڭ ىشكى ىستەر ءمينيسرى ماتتەو سالۆيني كەمەدەگى كامەلەتكە تولماعان 27 جەتكىنشەكتىڭ عانا جاعالاۋعا شىعۋىنا رۇقسات ەتكەن بولاتىن. ماسەلە ابدەن ۋشىققاندىقتان، كەمەدەگى بوسقىندار اشتىق جاريالاۋعا دەيىن بارعانىن جازعان ەدىك. وسىعان بايلانىستى «Twitter» الەۋمەتتىك جەلىسىندە ءوز ۇستانىمىن بىلدىرگەن سالۆيني: «ويلارىنا كەلگەندەرىن جاساسىن. يتاليادا 5 ملن ادام جوقشىلىقتا ءومىر سۇرۋدە.  ولاردىڭ 1,2 ملن-ى بالالار. ولار سوندا دا، جۋرناليستەر مەن بەلسەندىلەردىڭ نازارىنا ءتۇسۋ ءۇشىن اشتىق جاريالامايدى»، - دەپ جازعان ەدى. 2018 جىلدىڭ العاشقى سەگىز ايىندا يتالياعا 16,6 بوسقىن كەلگەن ەكەن. وسىدان ءبىراز بۇرىن ەل ۇكىمەتى زاڭسىز بوسقىنداردى ءوز تەرريتورياسىنا الۋعا قاتىستى شەشىمدەرىن قايتادان قارايتىنىن مالىمدەپ، ەۋرووداققا وسى ماسەلەنى تەز ارادا رەتتەۋگە شاقىرعان ەدى. ەندى، قازىرگى ۋاقىتتا ابدەن شيەلەنىسكەن بوسقىندار تۋرالى ماسەلەگە حالىق تا ارالاسا باستاعانىن بايقايمىز. ميتينگكە شىققان تۇرعىندار ءدال وسى بوسقىنداردىڭ كەسىرىنەن جۇقپالى اۋرۋلاردىڭ دا تاراپ جاتقانىن ايتىپ، نارازىلىقتارىن بىلدىرۋدە.

“The Qazaq Times”