ءۇندىستاننىڭ كەرالا شتاتىندا سۋ تاسقىنى سالدارىنان كوز جۇمعاندار سانى 445 ادامعا جەتتى. 15 ادام ىزدەستىرىلىپ جاتىر. بۇل تۋرالى South China Morning Post حابارلايدى.

تابيعي اپات ءۇندىستاننىڭ كەرالا شتاتىندا ورىن العان بولاتىن. ماۋسىم ايىنان باستالعان ۇزدىكسىز جاڭبىردىڭ سوڭى بۇرىن-سوڭدى قايتالانباعان سۋ تاسقىنى مەن لاي كوشكىنىنە اكەپ سوقتى. ءۇندىستاندا جىل سايىن وسى مەزگىلدە تولاستامايتىن جاڭبىر مۋسسون جاۋىپ، سۋ تاسيدى. بىراق، بۇل سوڭعى ءجۇز جىلداعى ەڭ جويقىن سۋ تاسقىنى بولىپ تىركەلگەن. اپاتتىڭ زاردابىن تارتقان كەرالا تۇرعىندارىنا ۋاقىتشا قونىس رەتىندە 1300 لاگەر اشىلعان.

اپاتتان قيراعان ءۇيىن كورگەن 69 جاستاعى اقساقال ءوز-وزىنە قول جۇمساعان. قيراندىنىڭ استىندا قۇرال-جابدىق، قۇجاتتارىنىڭ جارامسىز بولىپ قالعانىن ەستىگەن 19 جاستاعى بوزبالا دا سۋيتسيد جاسادى. قازىر 1 ميلليونعا جۋىق ادام قوسىمشا قونىسقا ورنالاستىرىلعان.

كەرالا شتاتىنىڭ ءمينيسترى پيناراي ۆيدجاياننىڭ تۆيتتەردەگى مالىمەتى بويىنشا، تابيعي اپاتتان 10 مىڭ شاقىرىم جول مەن 50 مىڭ ءۇي قيراعان. زارداپ شەككەندەر سانى ءالى دە ارتۋى مۇمكىن دەگەن بولجام بار.

"The Qazaq Times"