اقش پەن قىتاي اراسىنداعى ساۋدا سوعىسى كۇننەن-كۇنگە ءورشىپ بارادى. اق ءۇيدىڭ قىتاي تاۋارلارىنا ەنگىزگەن يمپورت سالىعى قوس ەلدىڭ باعا تاريفىنە اسەر ەتۋدە.

بىراق، ۇلتتىق دامۋ جانە رەفورمالار كوميسسياسى ءوندىرىستىڭ باسەڭدەۋىنە ساۋدا قاتىناسىنىڭ ەش قاتىسى جوق ەكەندىگىن ايتادى. ەكى ەل اراسىنداعى ۇزدىكسىز جۇرگىزىلىپ وتىرعان ساۋدا سوعىسى سالدارىنان قىتايداعى روبوت قۇراستىرۋ ءوندىرىسىنىڭ كولەمى ازايعان. قازىر روبوت شىعارۋعا قاجەتتى بولشەكتەردىڭ باعاسى اسپانداپ تۇر. رەسمي مالىمەتتەر بويىنشا، روبوت ءوندىرىسىنىڭ جىلدىق كورسەتكىشى مامىر ايىندا 35,1%، شىلدەدە تاعى 6,3%، كەمىدى.

تاۋەلسىز ساراپشىلاردىڭ پىكىرىنە جۇگىنسەك، قىتاي مەن اقش اراسىنداعى تەكەتىرەس توقتامايىنشا ەكونوميكالىق داعدارىس ارتا تۇسەدى جانە روبوتتىق تەحنيكا ءوندىرىسى ناشارلايدى. اقش سالعان سانكتسيانىڭ ىقپالىنان قىتايداعى سالالىق ءوندىرىس قارقىنى باياۋلاپ، ەكسپورتقا شىعارۋ دامىمايدى. بىزدىڭشە، قىتايدىڭ ارزان ءوندىرىسى اقش-تاعى تاريفتەر وسىمىنە تۇبەگەيلى وزگەرىس ەنگىزۋى مۇمكىن. سەبەبى، سىرتقى تاۋار اينالىمىندا قىتايدىڭ روبوت تەحنيكالارى ازايادى. دونالد ترامپ «Reuters» اگەنتتىگىنە بەرگەن سۇحباتىندا: "ساۋدا سوعىسى مەن قاراما-قايشىلىقتاردا ۋاقىتشا جاعدايلار بولمايدى. مەنىڭ ۇعىمىمدا قىسقالىق جوق. تەك شەكسىزدىك بار. 11 قاراشادا قىتاي توراعاسىمەن كەزدەسۋدەن دە ەشتەڭە كۇتپەيمىن. ول وعان ءالى دايىن ەمەس دەپ ويلايمىن. قازىر قىتايداعى جاعدايعا بايلانىستى وڭتۇستىك كورەيا كومەك كورسەتەدى دەگەن سىبىس بار. الايدا، ولاردىڭ قامقورلىعى كۇننەن-كۇنگە ازايادى. ساۋدانىڭ قۇلدىراۋىنا بايلانىستى. قالعانىن ۋاقىت كورسەتە جاتار", – دەگەن بولاتىن.

"The Qazaq Times"