كيم جوڭ ۋن سىناق الاڭىندا. فوتو: IRNA.

اقش ينستيتۋتتارى جەر سەرىگى ارقىلى تۇسىرىلگەن سۋرەتتەردى العا تارتا وتىرىپ، سولتۇستىك كورەيانىڭ بالليستيكالىق زىمىران سىناۋ ورتالىقتارى مەن ۇشىرۋ پلاتفورمالارىن جويۋ ارەكەتتەرى توقتاپ قالعانىن مالىمدەدى.

اتالعان مالىمەتتى قۇراما شتاتتاعى “38 North” ينستيتۋتى جاريالاعان. ولار سپۋتنيكتىك سۋرەتتەردەن سولتۇستىك كورەيانىڭ زىمىران سىناۋ الاڭدارىنداعى جانە ۇشىرۋ پلاتفورمالارىنداعى نىساندى جويۋ وپەراتسيالارىنىڭ اياقسىز قالعانىن دالەلدەگەن.

مالىمەتتەرگە قاراعاندا سولتۇستىك كورەيانىڭ بالليستيكالىق زىمىران سىناعىنا پايدالانىلعان قۇرىلىس نىساندارىن جويۋ ءىسى شىلدە ايىندا قارقىن العان ەكەن. الايدا، جاساندى جەر سەرىگىنەن تۇسىرىلگەن سۋرەتتەر نىساننىڭ بۇزىلعان قۇرىلعىلارى سىناق الاڭىنىڭ وزىندە جيناپ قويىلعانىن دالەلدەيدى.

قۇراما شتاتتىڭ بارلاۋ اگەنتتىكتەرى اپتانىڭ باس شەنىندە سولتۇستىك كورەيانىڭ  يادرولىق سىناق جۇمىستارىن توقتاتقانىن بىلدىرەتىن ناقتى ايعاق جوق ەكەنىن مالىمدەگەن.

“The Qazaq Times”