سءۇريادا سوڭعى ءۇش جىلدا رەسەي اۋە سوققىسىنان 8 مىڭداي بەيبىت تۇرعىن مەن 10 مىڭنان استام قارۋلى توپ مۇشەسى قازا تاپقان. بۇل جونىندە ادام قۇقىقتارىنىڭ ورىندالۋىن باقىلاۋ جونىندەگى سءۇريا ورتالىعى مالىمدەدى.

BBC-ءدىڭ YouTube كانالىندا 2015 جىلدىڭ قىركۇيەك ايىنان باستاپ، سۇرياداعى سوعىسقا 63 مىڭ رەسەيلىك اسكەر بارعانى ايتىلعان.

ال رەسەيدىڭ قورعانىس مينيسترلىگى سۇرياداعى وپەراتسيا كەزىندە 80 رەسەيلىك سارباز قازا تاۋىپ، 7 ۇشاق پەن 6 تىكۇشاق اپاتقا ۇشىرادى دەپ مالىمدەدى.

ءسۇريادا "يسلام مەملەكەتى" ەكسترەميستىك توبىنا قارسى سوعىسىپ جاتقان اقش جەتەكشىلىك ەتەتىن حالىقارالىق كواليتسيا 2014 جىلدىڭ تامىز ايىنان باستاپ، ءسۇريا مەن يراك اۋماعىندا 30 مىڭعا جۋىق اۋە سوققىسىن بەرگەنىن مالىمدەگەن. كواليتسيا ميسسيانى ورىنداۋ كەزىندە مىڭنان استام بەيبىت تۇرعىن قۇربان بولعانىن مويىنداعان. بىراق تاۋەلسىز ساراپشىلار بۇل كورسەتكىشتى التى ەسەگە كوپ دەپ ەسەپتەيدى.

رەسەي بولسا، سيريا پرەزيدەنتى باشار اسادتىڭ ءوتىنىشى بويىنشا بۇل ەلگە اسكەرىن جىبەرگەنىن ايتادى. اسكەري وپەراتسيا باسىندا كرەمل ء"بىزدىڭ ماقساتىمىز - "يسلام مەملەكەتى" ۇيىمىمەن كۇرەسۋ" دەپ مالىمدەگەن.

باتىس ەلدەرىنىڭ بارلاۋى شىن مانىندە رەسەيدىڭ ماقساتى – اساد ۇكىمەتىن قۇتقارىپ، وپپوزيتسياعا قارسى سوعىس جۇرگىزۋ دەپ ايتقان. اقش، ۇلىبريتانيا، فرانتسيا جانە باسقا دا باتىس ەلدەرى ماسكەۋ سيرياداعى بەيبىت تۇرعىنداردى ءولتىرىپ، اسكەري قىلمىس جاساپ جاتىر دەگەن كۇدىكتەرىن وسىعان دەيىن بىرنەشە رەت ايتقان.

"The Qazaq Times"