فوتو: يسلام كاريموۆ

وسى اپتانىڭ باسىندا وزبەكستاننىڭ ۇلتتىق تەلەراديوكومپانياسىنىڭ قۇرامىنداعى بارلىق تەلەارنالارعا وزبەكستاننىڭ  ءبىرىنشى پرەزيدەنت، مارقۇم يسلام كاريموۆتىڭ اتىن مۇلدەم اتاماۋعا بۇيرىق بەرىلگەن.

«Centralasian.org» حابارلاۋىنشا، وزبەكستاننىڭ ۇلتتىق تەلەراديوكومپانياسىنىڭ قۇرامىنداعى ءبىر تەلەارنا قىزمەتكەرى وزدەرىنە وسى بۇيرىقتى قازىرگى پرەزيدەنتتىڭ كەڭەسشىسى حايريددين سۇلتانوۆ بەرگەنىن ايتقان. ونىڭ ايتۋىنشا، وزبەكستاندىق بارلىق تەلەارنا باسشىلارىنا يسلام كاريموۆتىڭ اتىن مۇلدەم اتاماۋ بۇيىرىلعان. ءارى بۇل ەشقانداي ۇسىنىس ەمەس، تالاپ تۇرىندە بەرىلگەن.  سونىمەن قاتار، تەك قانا ونىڭ ەسىمى ەمەس، باعدارلامالاردا ونىڭ ەسكەرتكىشتەرى مەن سۋرەتتەرى دە كورسەتىلمەۋى كەرەك. ال ازىرگە، بيلىك تاراپىنان مۇنداي بۇيرىقتىڭ نەگە تۇسكەنى تۋرالى اشىپ ايتىلماعان.

“The Qazaq Times”