فوتو: كورنەكى سۋرەت

اقش پرەزيدەنتى دونالد ترامپتىڭ اكىمشىلىگى قاتاڭ سانكتسيالاردىڭ كومەگىمەن يرانعا قىسىمىن كۇشەيتۋدى جوسپارلاۋدا. بۇل تۋرالى فرانتسيالىق «lemonde.fr» باسىلىمى امەريكالىق پرەزيدەنتتىڭ ۇلتتىق قاۋىپسىزدىك جونىندەگى كەڭەسشىسى دجون بولتوننىڭ سوزىنە سىلتەمە جاساپ حابارلايدى.

«ءبىز 2015 جىلعى سانكتسيالارمەن عانا شەكتەلىپ قالۋدى ويلامايمىز. ءبىزدىڭ ماقساتىمىز، سانكتسيالاردان مۇلدەم باس تارتپاۋ دەسەك تە بولادى»، - دەگەن د.بولتون كەزەكتى ءبىر ءباسپاسوز وتىرىسىندا. بولتوننىڭ ايتۋىنشا، يرانعا سانكتسيا سالۋداعى باستى ماقسات —  يسلام رەسپۋبليكاسىنىڭ يادرولىق باعدارلامادان باس تارتۋىنا سەبەپ بولۋ،  سونىمەن قاتار، يراننىڭ تاياۋ شىعىستاعى ىقپالىن توقتاتۋ. ول، سونداي-اق قازىرگى ۋاقىتتاعى باستى ماقساتتاردىڭ ءبىرى رەتىندە يراننان رەسۋرستار ساتىپ الاتىن ەلدەر ءۇشىن باسقا  مۇناي تاسىمالشىلارىن ىزدەۋ بولىپ تابىلاتىنىن دا ايتىپ وتكەن. يسلام رەسپۋبليكاسىنا قاتىستى بولتون ايتقان تاعى ءبىر جايت — اقش يرانداعى بيلىك رەجيمىن قۇلاتۋدى كوزدەمەيدى،  تەك ونىڭ «ساياسي قيمىلىن وزگەرتكىسى» كەلەدى.

“The Qazaq Times”