اقش پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى دجون بولتون «ABC News» تەلەارناسىنا بەرگەن سۇحباتىندا: «قىتاي، سولتۇستىك كورەيا جانە يران ەلدەگى سايلاۋعا ارالاسۋى مۇمكىن» دەپ مالىمدەدى.

بولتوننىڭ سوزىنشە، ۆاشينگتوندا بەيجىڭ، تەھران جانە پيوڭياڭ سايلاۋعا ارالاسادى دەپ قاۋىپتەنەتىندەي جەتكىلىكتى ايعاقتار بار. سول سەبەپتەن اقش وعان جول بەرمەۋ ءۇشىن، بارلىق شارالاردى قولعا الىپ جاتىر.

ءوز كەزەگىندە اقش پرەزيدەنتى دونالد ترامپ ءوزىنىڭ «Twitter» پاراقشاسىنا:"رەسەيدىڭ ءىزىن اڭدىعاندار باسقا باعىتقا – قىتايعا قارايتىنداي ۋاقىت بولدى" دەپ جازدى.

ال بۇل كەزدە يران سىرتقى ىستەر ءمينيسترى موحامماد جاۆاد زاريف «اقش بيلىكتى تاقتان تايدىرۋ ماقساتىندا "ارنايى توپ" قۇردى» دەپ مالىمدەدى. ول بۇل تۋرالى «Twitter» جەلىسىنە جازدى.

"The Qazaq Times"