ترامپ قىتايدى جان-جاقتى قىسپاققا الاتىن زاڭعا قول قويدى

اقش پرەزيدەنتى دونالد ترامپ دۇيسەنبى كۇنى سەنات پەن وكىلدەر پالاتاسىنىڭ قابىلداعان «2019 جىلعا ارنالعان قارجى جانە قورعانىس قۇقىعىن قورعاۋ تۋرالى» زاڭعا قول قويدى. بۇل قۇجاتتا اقش-قىتاي قاتىناسىنا قاتىستى بىرقاتار مازمۇندار بار.

جوبادا قۇراما شتاتتار مەن تايۋان (تايۆان) اراسىنداعى قورعانىس ىنتىماقتاستىعىن نىعايتۋ، قىتايدىڭ وڭتۇستىك قىتاي تەڭىزىندەگى اسكەري ارەكەتتەرىن تەجەۋ، تايۋانعا قاراتقان اسكەري وقۋ-جاتتىعۋلارىنا تىيىم سالۋ قاتارلى مازمۇندار كىرىستىرىلگەن. بۇلاردان تىس زاڭ جوباسى شەتەلدىك ينۆەستورلاردى، ينۆەستيتسيا اعىمىن باقىلاۋدى كۇشەيتە تۇسپەك.

اقش-تىڭ «2019 جىلعا ارنالعان قارجى جانە قورعانىس قۇقىعىن قورعاۋ تۋرالى» زاڭىنا سايكەس، ترامپ ۇكىمەتى كەشەندى جوبالاردى جۇزەگە اسىرۋعا باستاماشى بولۋى ءتيىس. ال، قىتاي ءىسى جونىندە قىتايدىڭ ونەركاسىپتىك ساياساتى، ساياسي ىقپالى، ايماقتىق جانە جاھاندىق اسكەري الەۋەتى سياقتى كوپتەگەن سالالاردا قاداعالاۋشىلىق ەتىپ، تەجەۋ، قارسى تۇرۋ شارالارى ارقىلى اقش مۇددەلەرىن قورعاۋ سىندى مىندەتتەرى بار.

ترامپتىڭ اتالعان زاڭعا دۇيسەنبى كۇنى تۇستەن كەيىن نيۋ-يوركتەگى درۋمگۋرگ اسكەري بازاسىندا قول قويۋىنىڭ دا وزىندىك ءمانى بار ەكەنىن ايتا كەتۋ كەرەك.

“The Qazaq Times”