فوتو: وزبەك استاناسى

وزبەكستان سىرتقى ىستەر مينيسترلىگى تاشكەنتتە «تاليبان» قوزعالىسىنىڭ ساياسي كەڭسەسىنىڭ اشىلعانى تۋرالى اقپاراتتى جوققا شىعاردى. بۇل تۋرالى وزبەكستان ءسىم-ءنىڭ وكىلىنىڭ سوزىنە سىلتەمە جاساپ «worldbulletin.net» حابارلايدى.

بۇدان بۇرىن اتالعان اگەنتتىك تالىبتەر وكىلىنىڭ سوزىنە سىلتەمە جاساپ، قوزعالىستىڭ وزبەكستان استاناسىندا ساياسي كەڭسە اشقانى تۋرالى حابار تاراتقان ەدى. ال، وتكەن اپتادا وزبەكستان ءسىم «تاليبان» وكىلدەرىنىڭ 7-10 تامىزدا تاشكەنت قالاسىندا كەلىسسوزدەر جۇرگىزگەنىن، سونداي-اق، اۋعانستانداعى بەيبىت كەلىسسوزدەردىڭ بولاشاعى تالقىلانعانىن حابارلادى. ال، ماۋسىم ايىندا اتالعان ۆەدوموستۆا اۋعانستان ۇكىمەتىمەن تىكەلەي كەلىسسوزدەرگە قاتىستىرۋ ءۇشىن وزبەك بيلىگىنىڭ «تاليبان» قوزعالىسىمەن بايلانىس ورناتقانى تۋرالى حابارلاعان ەدى. ءارى، وسى جىلدىڭ 27 ناۋرىزىندا تاشكەنتتە وتكەن اۋعانستانعا قاتىستى حالىقارالىق كونفەرەنتسيا ناتيجەسى بويىنشا دەكلاراتسيادا اۋعانستان ۇكىمەتى مەن قارۋلى وپپوزيتسيالاردىڭ، اسىرەسە «تاليبان» قوزعالىسىنىڭ اراسىنداعى تىكەلەي كەلىسسوزدەردىڭ قاجەت ەكەندىگى تۋرالى ماسەلە كوتەرىلگەن.

“The Qazaq Times”