فوتو: 20minutes.fr

55 مىڭ ەۋروپالىق جولاۋشى يرلانديانىڭ مەملەكەتتىك «Ryanair» اۋەكومپانياسىنىڭ ۇشقىشتارى جاساعان ەرەۋىلدىڭ كەسىرىنەن زارداپ شەگۋدە، - دەپ حابارلايدى «20minutes.fr» اگەنتتىگى.

ەرەۋىلدىڭ سالدارىنان كوبىنە-كوپ گەرمانيا تۇرعىندارى زيان شەگۋدە. اقپارات اگەنتتىگىنىڭ ايتۋىنشا، قازىرگى ساتتە 42 مىڭ ادام دىتتەگەن جەرىنە جەتە الماي وتىر. وسىعان دەيىن، اۋەكومپانيا ەرەۋىل باستالعان ۋاقىتتان بەرى (استانا ۋاقىتىمەن، تاڭعى ساعات 7:01 دە) 400 رەيستى ۇشىرماي تاستاعان. ونىڭ 250-ءى گەرمانياعا باعىت الاتىن نەمەسە نەمىس اۋەجايلارىنان ۇشۋ ساپارىن جۇزەگە اسىرۋشى رەيستەر ەكەن. قالعان رەيستەر بەلگياعا، شۆەتسياعا، يرلاندياعا جانە نيدەرلاندىعا ۇشۋى ءتيىس بولعان.

ايتا كەتۋ كەرەك، اتالعان اۋەكومپانيانىڭ ۇشقىشتارى تۇنگى ساعات 4:01-دە (است: 7:01) ەرەۋىلگە شىققان. ولار جالاقىلارىن كوتەرىپ، ەڭبەك شارتىن جاقسارتۋدى تالاپ ەتۋدە. بۇل يرلانديا اۋە تاسىمالى تاريحىنداعى ەڭ اۋقىمدى ەرەۋىل بولىپ سانالادى.

“The Qazaq Times”