يراننىڭ بۇرىنعى پرەزيدەنتى احمادينەجاد. فوتو: Aysor.am.

يراننىڭ بۇرىنعى پرەزيدەنتى ماحمۇت احمادينەجاد مالىمدەمە جاساپ، قازىرگى ۇكىمەتتىڭ حالىققا سەنىمى قالماعانىن، پرەزيدەنتى حاسان رۋحانيدىڭ وتستاۆكاعا كەتۋىن تالاپ ەتتى. بۇل تۋرالى IRNA  اقپاراتتىق اگەنتتىگى حابارلادى.

احمادينەجاد الەۋمەتتىك مەديا ارقىلى جاساعان مالىمدەمەسىندە، مەملەكەتتىڭ قازىرگى جاعدايىن رەتتەۋگە شاراسىز قالعان ۇكىمەتكە حالىقتىڭ سەنىمى قالماعانىن ايتتى. مەملەكەت ەكونوميكاسىنىڭ بارعان سايىن قۇلدىراپ بارا جاتقانىن دا تىلگە تيەك ەتتى. ول جانە «رۋحاني ۇكىمەتى حالىققا زيان كەلتىردى»، – دەدى.

ماحۇمت احمادينەجاد يراننىڭ 2005-2013 جىلدار ارالىعىنداعى پرەزيدەنتى. ول باسقارعان جىلداردا يران ەكونوميكاسى كوتەرىلگەنىمەن، حالىقارالىق قاتىناستاردا تىعىرىققا تىرەلگەن كەزدەرى دە بولعان. الايدا، تريبۋناعا كوتەرىلگەن ءار رەتىندە وتكىر وزىمەن جۇرتتى تاڭداي قاقتىراتىن احمادينەجاتتى قولداۋشى يراندىقتار قاتارى مول.

“The Qazaq Times”