Иранның бұрынғы президенті Ахмадинежад. Фото: Aysor.am.

Иранның бұрынғы президенті Махмұт Ахмадинежад мәлімдеме жасап, қазіргі үкіметтің халыққа сенімі қалмағанын, президенті Хасан Руханидың отставкаға кетуін талап етті. Бұл туралы IRNA  ақпараттық агенттігі хабарлады.

Ахмадинежад әлеуметтік медиа арқылы жасаған мәлімдемесінде, мемлекеттің қазіргі жағдайын реттеуге шарасыз қалған үкіметке халықтың сенімі қалмағанын айтты. Мемлекет экономикасының барған сайын құлдырап бара жатқанын да тілге тиек етті. Ол және «Рухани үкіметі халыққа зиян келтірді», – деді.

Махұмт Ахмадинежад Иранның 2005-2013 жылдар аралығындағы президенті. Ол басқарған жылдарда Иран экономикасы көтерілгенімен, халықаралық қатынастарда тығырыққа тірелген кездері де болған. Алайда, трибунаға көтерілген әр ретінде өткір өзімен жұртты таңдай қақтыратын Ахмадинежатты қолдаушы ирандықтар қатары мол.

“The Qazaq Times”