اۋعانستان شولگەرە. فوتو; انادولى.

اۋعانستاننىڭ سولتۇستىك بولەگىندە تەررورلىق توپتاردىڭ ارەكەتى جيىلەي ءتۇستى. تەررورلىق شابۋىلدار مەن جارىلىستار ءار اپتا سايىن تۋىلۋدا. ءبىر كۇن بۇرىن بەلح پروۆينتسياسىنداعى شولگەرە اۋدانىندا بولعان جارىلىستان 6 ادام قازا تاپتى. بۇل تۋرالى «انادولى» اقپاراتتىق اگەنتتىگى حابارلادى.

جەرگىلىكتى پوليتسيانىڭ مالىمەتىنە قاراعاندا، جارىلعىش زات كوچ-قىزىل اۋىلى ماڭىنداعى جولعا قويىلعان. بەيبىت تۇرعىندار وتىرعان كولىك جارىلعىش بومبانىڭ ءۇستىن باسقان جەردەن جويقىن جارىلىس بولىپ، 6 ادام قازا تاۋىپ، 7 ادام جاراقات العان.

پوليتسيا جاق زارداپ شەككەندەردىڭ ءبارى دە بەيبىت تۇرعىندار ەكەنىن ايتتى. شولگەرە ايماعى اۋعانستاننىڭ سولتۇستىگىندە وزبەك، تاجىكتەر كوبىرەك قونىستانعان ءوڭىر سانالادى.

“The Qazaq Times”